Kisah Rasul-rasul 14:4 - Taaz Weru Witu u Nunuwu'en Tombulu

⁴ Taan sé tou lakez witu um wanua tua'na itii é nimawéténg. Wéwéhan sé mahkiit sé tou Yahudi sé zéi'kan ma'éman, wo wéwéhan kasii sé mahkiit sé aatu ni Yesus.

Kisah Rasul-rasul 14:4 Iomraidhean Croise

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Yohanes 7:43

Niitumo sé tou lakez mahéndo-éndoan tumoro ni Sia.

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 14:14

In timalingamé niitu ang késé'ena ni Barnabas wo ni Paulus ang kinarai néra a séra menelata witu un unez né tou lakez itii ang kumérét,

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 14:5

A méhé sé tou Yahudi wo sé tou zéi'kan Yahudi karia né tonaas néra, maesaala in zumézéha wo merit sé aatu itii karia am watu.

Kisah Rasul-rasul 19:9

Taan wéwéhan sé woopira tou soo tumalinga wo soo ma'éman. Witu u sinaru né tou lakez, pahséro'an néra uman taré u lalan kura ing kumiit si Mahpiara. Niitumo ni séra é méitula'umé ni Paulus, wo sé tou ma'éman wia si Yesus é méitampasnamé. Sekez in endo ni sia é mahsirita karia néra witi tampa pahtata'uan makangaran Tiranus.

Kisah Rasul-rasul 28:24

Wéwéhan sé ma'éman wana a méikuama ni Paulus, taan wéwéhan sé soo ma'éman.

1 Korintus 9:5

Zéi'kan toro wé kai lumampang mahwali sé mahayo nai sé ma'émano, tanu sé aatu ni Yesus walina, sé katuari ni Yesus si Mahpiara wo si Kefas?

1 Tesalonika 2:14

Katuari-katuari! Am pinendan nioué ém pinendano kangkasiimé né jamaat ni Opo Empung witi Yudea sé nimaéndo anu ni Kristus Yesus. Ni kamu pinahzézéhamé né kawanua nioukan tanu am pinendané né jamaat ni Opo Empung witi Yudea im pinahzézéhamé né tou Yahudi.