Kisah Rasul-rasul 14:1 - Taaz Weru Witu u Nunuwu'en Tombulu

¹ I si Paulus wo si Barnabas méikaayola witi Ikonium, ni séra kasii nimuntepa witu um walé peraragésan né tou Yahudi. Im witu ni séra én totoz ma'ulit i nimahtuzu'mé makaz lakez sé tou Yahudi karia né tou Yunani nima'éman wia si Yesus.

Kisah Rasul-rasul 14:1 Iomraidhean Croise

Markus 7:26

Ni sia é mekitulung wia si Yesus i moho si sétang simelaz wia si kooki'na. Si ina' itii én tou Yunani nimatou witi tana' Siro-Fenisia.

Yohanes 12:20

Im wia sé tou marumagés wia si Opo Empung im witu un endo mahpésta itii ém wéwéhan sé woopira tou Yunani.

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Kisah Rasul-rasul 11:21

Ung kawasa ni Opo Empung é memali-mali karia néra taka-takazan totoz lakez sé tou nima'éman wo mahkiito si Yesus Mahpiara.

Kisah Rasul-rasul 13:43

Kumawusa séra i rimagés, lakez sé tou Yahudi karia né tou zéi'kan Yahudi sé maindé' wia si Opo Empung mahkiit si Paulus wo si Barnabas. Sé zua aatu itii é mahtuzu' wo mahsésa wia ni séra wo séra zéi'kan mazéi' i menou-nou niméré' witu ung kamang tatambér ni Opo Empung.

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Kisah Rasul-rasul 13:5

I méikaayomola witi Salamis, ni séra zua é mahwoka' u Nuwu' ni Opo Empung wana am walé peraragésan né tou Yahudi. In toro niitu si Yohanes é méipahwali néramé i sumawang ni séra.

Kisah Rasul-rasul 13:51

A si Paulus wo si Barnabas tumangkarla an awu witu un a'é néra i mapagenang wia sé tou itii i si Opo Empung é mukum ni séra. Kumawusa niitu ni séra zua nimangé witi Ikonium.

Kisah Rasul-rasul 14:19

Méyé sé tou Yahudi sé witi Antiokhia wo Ikonium, mahaker sé tou lakez ing kumiit ni séra. A si Paulus pahweriten néra karia am watu. Pahpaan pahgenangen nérala ni sia é nimatémo, a sia kéhongen néramé méiondolé im witi wanua tua'na.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 14:21

Im witi Derbe, si Paulus wo si Barnabas é mahwoka' u Nuwu' Lé'os tumoro si Yesus, taka-takazan lakez sé tou nima'éman wia si Yesus. A séra mawuri sumaup witi Listra, a meméhé-méhéma mangé witi Ikonium wo Antiokhia.

Kisah Rasul-rasul 16:1

A si Paulus mangé kasii witi Derbe wo Listra. Im witu, wéwéhan si mahkiit si Yesus makangaran Timotius. Si ina'na én tou Yahudi si ma'émano wia si Yesus wo si ama'na én tou Yunani.

Kisah Rasul-rasul 16:2

Si Timotius éng kata'uan né katuari esa pa'émanen witi Listra wo Ikonium in tou lé'os.

Kisah Rasul-rasul 17:12

Pahpaano niitu, lakez im wia ni séra sé nima'éman. Im wia ni séra kasii, lakez sé tuama wo sé wéwéné Yunani sé ipahkua-kua.

Kisah Rasul-rasul 17:17

Niitumo, im witi walé peraragésan né tou Yahudi ni sia simirita karia né tou Yahudi wo sé tou zéi'kan Yahudi sé maindé' si Opo Empung. Wo sekez in endo im witi pemamangkéran, ni sia mahsirita karia né séi uman sé ipasungkulna.

Kisah Rasul-rasul 17:4

Sé woopira im wia ni séra é nima'éman ang kumariala si Paulus wo si Silas. Téntu kangkasii, lakez sé tou Yunani sé maindé' si Opo Empung é nima'éman, wo im wia ni séra lakez sé wéwéné ipahkua-kua.

Kisah Rasul-rasul 18:4

Sekez in endo Sabat, si Paulus é mengangangé witi walé peraragésan né tou Yahudi, i mahsirita wo menutu' sé tou Yahudi wo sé tou Yunani i ma'éman wia si Yesus.

Kisah Rasul-rasul 18:8

Taan si Krispus, si tonaas um walé peraragésan né tou Yahudi witi Korintus wo péléng sé mahento' witu um waléna é nima'éman wia si Yesus Mahpiara. Wo lakez kasii sé tou witi Korintus sé timalinga an ipahwoka' ni Paulus é nima'éman wia si Yesus wo niméhé un tou néra i sinarani.

Kisah Rasul-rasul 19:10

Zuana ta'un ung kauréna ni sia memamangun un téntu, taka-takazan péléng sé tou mahento' witi Asia én timalinga u Nuwu' ni Mahpiara, ni séra sé tou Yahudi wo sé tou Yunani.

Kisah Rasul-rasul 19:17

U nimamuali itii éng kinata'uana péléng né tou witi Efesus, ni séra in tou Yahudi kaapa in tou Yunani. Niitumo, ni séra péléng éng kinaindé'an a lumooz u ngaran ni Yesus Mahpiara.

Kisah Rasul-rasul 19:8

Teluna loloho'en ung kauréna si Paulus i mengangangé witi walé peraragésan né tou Yahudi. Ni sia ém wuaya i mahnuwu' wo mahzéi-zéi'an karia né tou witu, i mahwawangun ni séra wo ma'éman tumoro ung Kakolanoan ni Opo Empung.

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 21:28

karia i mahkérét, “É, tou Israel, sawangané kai! Kelasiamo si tou si mahtuzu' wia péléng sé tou an tutuzu' a mahsaru sé tou Israel, un ukum Torat wo um Walé ni Opo Empung kenu wana péléng an tampa niangéannamé! In tarékan, ni sia kangkasii é nimahwalimé sé tou Yunani wia um Walé ni Opo Empung wo nimangun un tampa lenas kenu makati'tiren!”

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Roma 1:16

Ni aku én zéi'kan maizang i mahwoka' u Nuwu' Lé'os tumoro si Yesus, pahpaan u Nuwu' Lé'os itii éng kawasa ni Opo Empung i milot péléng sé tou sé ma'éman im witu un ukuman wana a singkéla', kataré-taré é sé tou Yahudi wo kasii sé tou zéi'kan Yahudi.

Roma 10:12

Sé tou Yahudi wo sé tou zéi'kan Yahudi é masuat uman. Pahpaan, si Mahpiara én esa uman, si Mahpiara én anu né tou péléng. Wo ni Sia é meripu' umané i méhémé ung kamang malake-lakez wia péléng sé tou mekisawang wia ni Sia.

Galatia 2:3

Taan si Titus, si tou Yunani, si mahwali-wali kariaku, ni sia én zéi'kan penutu'en néra im pekisunat mengiit un ukum Torat um pahkiiten né tou Yahudi.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

2 Timutius 3:11

Kata'uannumo an zézéha wo ang kapendisan am pinendankumé i ni aku witi Antiokhia, witi Ikonium wo witi Listra. Péléng an zézéha itii ém pinendankumomé, taan ni aku é méipilotomé ni Mahpiara im wana péléng an zézéha itii.