Kisah Rasul-rasul 13:6 - Taaz Weru Witu u Nunuwu'en Tombulu

⁶ Tumondong niitu, ni séra é mahliklik wana péléng an tampa witu ung katanaan itii makaz witi Pafos. Im witu ni séra é nimasungkulan karia ni tou Yahudi, si makangaran Bar-Yesus. Si tou itii é meriara wo nabi towo.

Kisah Rasul-rasul 13:6 Iomraidhean Croise

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Markus 10:46

A si Yesus wo sé pahtuzu'en-Na ikaayoma witi Yerikho. I si Yesus karia né pahtuzu'en-Na mahoondolomé im witu karia né tou lakez sé nimahtotondongané karia néra, wéwéhan si tou letok rimumez wo mengangaléi witu u ruruh lalan, makangaran Bartimeus, oki' ni Timeus.

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 13:8

Taan si Bar-Yesus si witu u nunuwu'en Yunani pahkuan Elimas si meriara itii é mahapé-apé' wia si Barnabas wo si Saulus. Pahtututu'enna si gubernur wo sia zéi'kan ma'éman wia si Yesus.

2 Korintus 11:13

Pahpaan sé tou itiimo sé aatu towo. Ni séra i mahpaayang é mahtowo wia sé tou wo mahasa-asar sé aatu ni Kristus.

2 Timutius 3:8

Tanu si Yanes wo si Yambres mahsaru si Musa im puuna, téntu kangkasii sé tou itii i mahsaru ung kaulitan. Am pakahgena-genang néra é léwo'mo wo um pa'émanen néra én zéi'mo ulit.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.