Kisah Rasul-rasul 13:42 - Taaz Weru Witu u Nunuwu'en Tombulu

⁴² Makakuala niitu, a mondolé si Paulus wo si Barnabas im witu um walé peraragésan itii. Sé tou witu é mahaléi wia ni séra i mawurimé sumaup in endo Sabat tumondong i mékumua sumaup niana.

Kisah Rasul-rasul 13:42 Iomraidhean Croise

Matius 11:21

Kuano kasii ni Yesus, “Ikaléwo'mo ni kamu in tou Khorazim! Ikaléwo'mo ni kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo ni séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Matius 19:30

Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”

Matius 9:18

Karegas si Yesus i mahkua niitu wia sé pahtuzu'en ni Yohanes Menanarani, méyé si tonaas um walé peraragésan né tou Yahudi, ang kumuruzla i mahsigi' ni Sia ang kumuama, “Si kooki'ku én taré kalekepala, taan sa tanu an toro mangépé'mé witi waléku wo maizeta'mé u lengen-Mu wia ni sia wo ni sia matou sumaup.”

Kisah Rasul-rasul 10:33

Niitumo ni aku rengan nimatuma tou i matumawah ni ko. Wo ni ko é niméyémo karia i mahpaa-paaz. In tarékan, ni kai péléng é nimaréwoko wia'i witu u sinaru ni Opo Empung in tumalinga u méiperénta ni Opo Empung wia ni ko in ikua wia ni kai péléng.”

Kisah Rasul-rasul 13:14

Wo im witi Perga, si Paulus wo sé kakariana é meméhé-méhé i limampang makaz witi Antiokhia propinsi Pisidia. In endo Sabat ni séra nimuntepa a rumumezla witi walé peraragésan né tou Yahudi.

Kisah Rasul-rasul 28:28

Tumondong niitu a si Paulus kumua kasiila, “Pahpaano niitu, ni kamu é léwo'zéi' i mata'ula sa u nuwu' tumoro si Opo Empung milot sé tou im witu un ukuman wana a singkéla' én ikua wia sé tou zéi'kan Yahudi wo séra tumalinga niitu.” [