Kisah Rasul-rasul 13:11 - Taaz Weru Witu u Nunuwu'en Tombulu

¹¹ In tarékan, ilekenola, si Opo Empung é mukum ni ko. Ni ko é maletok. Woo pirana endo ni ko én zéi'kan mahile-ilekla u sena' ni endo.” In toro niitukan, si tou itii mahpendanla um werenna én tanu a liniklik u semu wo ung karimbengbengan. Karia i mahringka-ringkap ni sia mahpenéro tou i mahkit ni sia.

Kisah Rasul-rasul 13:11 Iomraidhean Croise

Yohanes 9:39

Ang kuan ni Yesus, “Ni Aku niméyé wia ung kaayahan kenu in tumotoz in ulit kaapa zéi'kan am pahwangunen né tou, wo séi uman si zéi'kan mahilek én toro mahilek, wo séi uman si toro mahilek é maletok.”

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Ibrani 10:31

Totoz makaindé'en sa kita ukumen ni Opo Empung si menou-nou.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.