Kisah Rasul-rasul 13:1 - Taaz Weru Witu u Nunuwu'en Tombulu

¹ In toro niitu, im wia sé jamaat witi Antiokhia ém wéwéhan sé woopira nabi wo méster. Ni séra é si Barnabas, si Simeon pahkuan in Zemdem, si Lukius tou Kirene, si Menahem si rengané ing koki' ém piniara karia ni kolano Herodes, wo kasii si Saulus.

Kisah Rasul-rasul 13:1 Iomraidhean Croise

Matius 27:32

I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus.

Lukas 3:1

In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias.

Kisah Rasul-rasul 11:30

Am pakaréwoken nérala a sasawang, an totozen nérala si Barnabas wo si Saulus i mahali niana wia sé penatua witi tana' Yudea.

Kisah Rasul-rasul 12:25

I si Barnabas wo si Saulus simampetomé um paayangen néra witi Yerusalem, a séra mawurimé witi Antiokhia. Ni séra i nimawurimé é nimahwalimé si Yohanes, si pahkuan kasii i Markus.

Kisah Rasul-rasul 13:9

Taan si Saulus si pahkuan kangkasii im Paulus si kinawasa ni Roh Lenas é nimerena wia ni sia,

Kisah Rasul-rasul 15:32

Lakez a méikua ni Yudas wo ni Silas u nimangun sé katuari esa pa'émanen mahpaa-paaz wo nimenté' un até néra. Ni séra zua kangkasii é nabi.

Kisah Rasul-rasul 15:35

Si Paulus wo si Barnabas én urékan oki' i nimahento'mé witi Antiokhia. Séra zua karia né tou lakez é nimahtuzu'mé wo nimahwoka'mé u Nuwu' ni Yesus Mahpiara.

Kisah Rasul-rasul 19:6

I si Paulus zimeta'la u lengenna witu un atas néra, an tumumpamé si Roh Lenas wia ni séra. A séra rengan i mahnuwu' karia a nunuwu'en a méiwéhémé ni Roh Lenas wo kasii mahkua a méikuamé ni Opo Empung.

Kisah Rasul-rasul 21:9

Si Filipus ém wéwéhan sé raraha epat. Sé rarahana itii én tinambéran ni Opo Empung i mahkua a méikua-Namé.

Kisah Rasul-rasul 4:36

Si Yusuf si pahkuan né aatu ni Yesus im ‘Barnabas’ ung kalakoana é mahenté' un até né tou wo ni sia kangkasii é suzu ni Lewi si nimatou witi Siprus é nimangun kangkasii un téntu.

Kisah Rasul-rasul 9:1

In toro niitu, si Saulus éng kawua-wuayana i ma'indé' wo mahwunu' sé tou mahkii-kiit an tutuzu' ni Yesus Mahpiara. Ni sia masimaru wia si Walian Wangko',

Roma 16:21

Si kapaayangku, si Timotius é méhéma u sigi'na. Téntu kangkasii sé kakaria kawanuaku si Lukius, si Yason wo si Sosipater.

1 Korintus 11:4

Sa si tuama mengaléi kaapa mahkua wia sé tou a méikuamé ni Opo Empung wia ni sia, un uluna éng kinungkungan, ni sia é nimapaiza-izangola si Kristus, si tonaasna.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

1 Korintus 13:8

U rumaraaté itii én zéi'kan mazéi'. Taan un tatambér u makawawa i mahkua wia sé tou a méikuamé ni Opo Empung é mazéi'. Téntu kangkasii un tatambér u makawawa i mahnuwu' karia a nunuwu'en un akaz uman si Roh Lenas si mata'u ung kalakoan niitu é mazéi'. Wo un tatambér i lakez ang kata'uan é mazéi'.

1 Korintus 14:29

Téntu kasii sé tou mahwoka' a méikuamé ni Opo Empung. Tawimo im wia ni séra, sé zua kaapa telu tou sé mahkua wia sé tou a méikuamé ni Opo Empung wia ni séra wo pahtata'un né walina an ipahkua itii, ulit kaapa zéi'kan.

1 Korintus 14:32

Sé tou tinambéran u mahkua a méikuamé ni Opo Empung, ni séra é makawawa ing kumua a méikuamé ni Opo Empung wia ni séra wo kasii toro i ma'ento' un oras ing kumua a méikuamé ni Opo Empung.

1 Korintus 9:6

Kaapa, ni aku wo si Barnabas uman wé sé totoz maayang am paayangen walina i mahwuwutul am pemandungen nai i mendo-endo?

Galatia 2:13

Sé woopira tou Yahudi walina kangkasii éng kimiita um winangunna ni Petrus i mahgau-gau lé'os. Taka-takazan si Barnabas kangkasii é méikakiita ni séra i mahgau-gau lé'os.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Filipi 4:22

Péléng sé tou linenas pahpaan ma'émano wia si Yesus wia'i é mapaayoma u sigi' néra wia ni kamu. Wuntul sé mahwia-wia u istana ni Kaisar é mahpuu-puuna i mapaayoma u sigi' néra wia ni kamu.

1 Tesalonika 5:20

Tia' iperoros niou a méikua ni Opo Empung mengiité sé nabi.