Kisah Rasul-rasul 12:8 - Taaz Weru Witu u Nunuwu'en Tombulu

⁸ Ang kuan kasii ni malaekat itii wia ni sia, “Iapusola un embetmu wo sumapatumola.” Am wangunennala tanu u méikuamé ni malaekat. Ang kuan kasii ni malaekat itii wia ni sia, “Karaienola ung karai tontonmu wo kumiitomé ni aku.”

Kisah Rasul-rasul 12:8 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Markus 6:9

Toro i sumelopa, taan tia'mo mahali zua karai sasawelen.

Lukas 12:37

Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Kisah Rasul-rasul 12:7

Kumompo'mé si malaekat ni Opo Empung é rimendaio witu u rété ni Petrus, wo u sena' é mahsena'mé im witu un untep um bui itii. A si Petrus sepé'ela ni malaekat i mongké ni sia ang kuana, “Mahrewekola in tumoozé!” A mawuswusa u ranté méiapus u lengen ni Petrus itii.

Kisah Rasul-rasul 12:9

A si Petrus kumiita si malaekat i nimondolé. Zéi'kan kata'uanna sa um winangun ni malaekat itii én uli-ulit nimamuali. Ni sia mahgenang umanla i ni sia ém winéhan u méipapailek.

Kisah Rasul-rasul 27:23

Pahpaan ing kawengi, si Opo Empung si pahongko-ongkotangku in tou anu-Na é nimatu si malaekat-Na mérimendai witu u rétéku.

Kisah Rasul-rasul 8:26

A si malaekat ni Opo Empung numuwu'ma wia si Filipus, “Rumendaiomé wo mangémo mapatimuhma, kumiita u lalan witi Yerusalem u mahperosa mangé witi Gaza.” U lalan itii én totoz pene-penesa.