Kisah Rasul-rasul 12:7 - Taaz Weru Witu u Nunuwu'en Tombulu

⁷ Kumompo'mé si malaekat ni Opo Empung é rimendaio witu u rété ni Petrus, wo u sena' é mahsena'mé im witu un untep um bui itii. A si Petrus sepé'ela ni malaekat i mongké ni sia ang kuana, “Mahrewekola in tumoozé!” A mawuswusa u ranté méiapus u lengen ni Petrus itii.

Kisah Rasul-rasul 12:7 Iomraidhean Croise

Matius 2:13

I sé tou tulap sé tototi'en timula'umomé un tampa itii, si malaekat ni Opo Empung nimapaipima wia si Yusuf, ang kumuama, “Tumoozomé, ipahwalima si Koki' itii karia ni ina'-Na wo tumingkasoma mangé witi Mesir. Mento'pé'la wana makaz ni Aku kumuama wia ni ko sa toromo mawurimé, pahpaan si Koki' itii ém pahpenéron ni Herodes im wunu'en.”

Lukas 2:9

Kumompo'mé si malaekat ni Opo Empung mapaileka un touna witu u rété néra. Wo u sena' ni Opo Empung simena'ma wia ni séra, a séra totoz kinaindé'an.

Lukas 24:4

Karegas séra rimendai wo mengusi-ngusingsing pahpaan niitu, kumompo'mokané ém wéwéhano sé tou zua rimendai witu u rété néra kimarai ung karai meto-petot.

Kisah Rasul-rasul 10:30

Si Kornelius mingkotla in téntii, “Epatna endo limangkoila, in jam katelu im wengindo woo tanu in tarékan, ni aku éng karegas i mengaléi witu um waléku. Kumompo'mé wéwéhan si tou rimendaila witu u sinaruku, ung karaina é meto-petot.

Kisah Rasul-rasul 12:23

In toro niitukan a sia ukumela ni malaekat ni Opo Empung, pahpaan ni sia én zéi'kan mahsigi' si Opo Empung. Ni sia nimaté kinan né loloati.

Kisah Rasul-rasul 12:6

Im wengi, puunala si Petrus in totozen ni Herodes witu u sinaru né tou lakez, si Petrus én timekel tinatér né suraro zua, rinanté karia u ranté zua u méiranté kangkasii wia sé suraro. Wo wéwéhan kasii sé suraro sé timéiz witu um pepenet um bui itii.

Kisah Rasul-rasul 12:8

Ang kuan kasii ni malaekat itii wia ni sia, “Iapusola un embetmu wo sumapatumola.” Am wangunennala tanu u méikuamé ni malaekat. Ang kuan kasii ni malaekat itii wia ni sia, “Karaienola ung karai tontonmu wo kumiitomé ni aku.”

Kisah Rasul-rasul 16:26

Kumompo'mé é mahéhzo'mo totoz repet makaz an to'tolan um bui itii én ogémokan. In toro niitukan, péléng am pepenet é nimawukama wo a méiranté wia péléng sé binui é nimawukama.

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.

Kisah Rasul-rasul 5:19

Taan im wengikan itii, si malaekat ni Opo Empung é niméyé a mukama am pepenet um bui, an iondolnamé séra im witu karia i mahkua,

Kisah Rasul-rasul 9:3

I ni sia melampang mangé witi Damsyik, i merétémoma um wanua tua'na itii, kumompo'mé ém wéwéhan u sena' mahsena'mé im witi langit limiklika ni sia.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Wahyu 18:1

Kumawusa niitu, an ilekengkuma si esa malaekat walina timumpamé im witi kasendukan. Ni sia ém wéwéhan ung kawasa wangko' wo u sena' nimondolé im wia ni sia é nimangun ung kaayahan nimaaya-ayahma.