Kisah Rasul-rasul 12:6 - Taaz Weru Witu u Nunuwu'en Tombulu

⁶ Im wengi, puunala si Petrus in totozen ni Herodes witu u sinaru né tou lakez, si Petrus én timekel tinatér né suraro zua, rinanté karia u ranté zua u méiranté kangkasii wia sé suraro. Wo wéwéhan kasii sé suraro sé timéiz witu um pepenet um bui itii.

Kisah Rasul-rasul 12:6 Iomraidhean Croise

Matius 28:4

Sé suraro mahtéiz witu én totoz ing kinaindé'an akaz i mahgerger an ikawenusa tanumokan sé tou nimatémo.

Kisah Rasul-rasul 12:5

Téntu u nimamuali wia si Petrus i méiuntep witi bui. Taan zozo'mokan in téntu, sé jamaat én zéi'kan kumana' i mahmengaléi si Petrus wia si Opo Empung.

Kisah Rasul-rasul 21:33

I méikaayomola witu, si tonaas né suraro itii é rimétéma wia si Paulus, a sia tionannala. An iatunama sé surarona i mamapus ni sia karia u ranté zua, a meligau sa séi sia wo apa um nimualinamola.

Kisah Rasul-rasul 28:20

Pahpaano niitu ni aku mahaléi i mémahilekan wo sumirita karia niou. Ni aku i rinanté tanu ang kenu ém pahpaan ni aku mahwoka' tumoro si Kristus si rengan im puuna méitaaz ni Opo Empung in iwéhé wia sé tou Israel, si pengéré-ngéré'enta.”

Kisah Rasul-rasul 5:23

“I ni kai méikaayola witi bui, maileken nai um pepenet um bui éng kinusi', wo péléng sé menénéiz um pepenet ém witupé'. Taan im winuka naila um pepenet, um witu un untep én zéi'mo siapa tou.”

Efesus 6:20

Pahpaan ni aku nimaéndo aatu ni Opo Empung i mahwoka' u Nuwu' Lé'os tumoro si Yesus, niitumo in tarékan ni aku é méiuntep bui. Ipengaléipé'mé wo ni aku zéi'kan maindé' i mahwoka' u Nuwu' Lé'os, un uli-ulit masuat karia u léwo'zéi' in iwoka'ku.

2 Timutius 1:16

Mengalé-ngaléi uman si Mahpiara mapaileké u raraatéan-Na wia sé sana awu ni Onesiforus, pahpaan ni séra é makalakezo nimenté' un atéku. Ni sia kasii én zéi'kan maizang i mahileké ni aku im witi bui.

Ibrani 13:6

Pahpaan ni kita én zéi'kan kawisa méiwaya ni Opo Empung, niitumo, ni kita ém wuaya i mahkua, “Si Opo Empung si Tumutulungku. Ni aku én zéi'kan maindé'. Apa un toro wangunen né tou wia ni aku?”