Kisah Rasul-rasul 12:4 - Taaz Weru Witu u Nunuwu'en Tombulu

⁴ A si Herodes matuma tou i mamuntep si Petrus witi bui. Iatunama sé epatna réwok suraro taheepat mahsasawel in tuméiz wia si Petrus, wo sa kimawusoma i lumé'os um Paskah né tou Yahudi, si Petrus én totozen im witu u sinaru né tou lakez.

Kisah Rasul-rasul 12:4 Iomraidhean Croise

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 26:5

Taan kuan néra, “Ni Sia én tia'mo pahtitionan witu un endo i mahpésta, én taa sé tou rumikoka'.”

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Lukas 21:12

Taan puunala niana péléng i mamuali, ni kamu én tionan wo pahzézéhan. Ni kamu én iayo wana am walé peraragésan né tou Yahudi, iuntep wana am bui wo maisaru wia sé kolano wo sé mahkawasa pahpaan mahkiit ni Aku.

Lukas 22:33

A Sia wingkotela ni Petrus, “Tuang, ni aku ém paaz uman in iuntep bui wo maté karia-Mu!”

Yohanes 19:23

Kumawusa sé suraro itii i simalipa si Yesus, ni séra niméndomé ung karai-Na am pahepaten nérama, si esa wo si esa é makailek sana wéténg. Ni séra kasii niméndomé ung karai tonton ni Yesus. Ung karai tonton itii én zéi'kan siapa wiwilitan, nimasondol witu un atas makaz witu um wawa'.

Yohanes 21:18

Uli-ulit ikua-Kuma wia ni ko: I ni ko tarétumoupé', zéi'kan siapa si mahsawang ni ko i maké ung karai wo ni ko mahlampang wisa uman um paaz angéannu, taan i ni ko tu'amo ni ko é mayo u lengenmu wo sé tou walina é mapus ni ko wo mahwali ni ko witi tampa kasoomu.”

Kisah Rasul-rasul 12:3

I niilekla ni Herodes um pahwangunenna éng kapaaz né tou Yahudi, a sia matuma tou kasii i matumion si Petrus. In toro niitu én endo mahpésta Roti Zéi'kan Rinagian.

Kisah Rasul-rasul 12:5

Téntu u nimamuali wia si Petrus i méiuntep witi bui. Taan zozo'mokan in téntu, sé jamaat én zéi'kan kumana' i mahmengaléi si Petrus wia si Opo Empung.

Kisah Rasul-rasul 4:28

Um winangun néra én tinotoz-Mumo rengané im puuna. Péléng niana é nimamuali pahpaan ung kawasa wo um paaz-Mu.

Kisah Rasul-rasul 4:3

Niitumo si Petrus wo si Yohanes én tinionan nérala an iuntepa witi bui makaz i nimasandomé im woondo pahpaan in toro niitu ém wengimo.

Kisah Rasul-rasul 5:18

An tionan nérala sé aatu ni Yesus itii an iuntepa witi bui.

Kisah Rasul-rasul 8:3

Taan si Saulus é mahtututu' i mahzézéi' sé jamaat itii. Sé tuama wo sé wéwéné ém pahkéhongennamé wo ipahondolé im wana am walé wo séra ipahayonama in iuntep witi bui.