Kisah Rasul-rasul 12:11 - Taaz Weru Witu u Nunuwu'en Tombulu

¹¹ I si Petrus nimata'umomé tou, ang kuana, “In tarékan én uli-ulit kata'uangku i si Opo Empung é nimatumé si malaekat-Na i mémilot ni aku im witu u lengen ni kolano Herodes wo kangkasii im wana a léwo'an am pegena-genangen né tou Yahudi.”

Kisah Rasul-rasul 12:11 Iomraidhean Croise

Lukas 15:17

Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem.

Kisah Rasul-rasul 12:7

Kumompo'mé si malaekat ni Opo Empung é rimendaio witu u rété ni Petrus, wo u sena' é mahsena'mé im witu un untep um bui itii. A si Petrus sepé'ela ni malaekat i mongké ni sia ang kuana, “Mahrewekola in tumoozé!” A mawuswusa u ranté méiapus u lengen ni Petrus itii.

Kisah Rasul-rasul 24:27

Taan i nimalekepola un zuana ta'un, si Feliks é sinawelan ni Perkius Festus ing gubernur. Pahapaan si Feliks é maheenou sé tou Yahudi, niitumo si Paulus én zéi'kan méipilotnamé im witi kinenusan ni sia.

Kisah Rasul-rasul 25:9

Taan pahpaan si Festus maheenou sé tou Yahudi, niitumo ni sia meligau wia si Paulus, “Apa ko paaz i mangé witi Yerusalem, i matotozen wana tumoro an ipahtoké néra wia ni ko witu u sinaruku?”

Kisah Rasul-rasul 5:19

Taan im wengikan itii, si malaekat ni Opo Empung é niméyé a mukama am pepenet um bui, an iondolnamé séra im witu karia i mahkua,

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,