Kisah Rasul-rasul 11:3 - Taaz Weru Witu u Nunuwu'en Tombulu

³ Kuan néra, “Kaa ko mahangé wana am walé né tou zéi'kan Yahudi sé zéi'kan sinunat wo mahkan karia néra?”

Kisah Rasul-rasul 11:3 Iomraidhean Croise

Matius 9:11

I sé sana réwok tou Farisi nimilekla niitu, ang kuan néra wia sé pahtuzu'en ni Yesus, “Kaa si Méster niou é mahkan karia né menanagi am pajak wo né tou mahsingkéla'?”

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Kisah Rasul-rasul 10:23

A si Petrus mahaléila ni séra i mento'pé'ma witu. Masandomé, si Petrus mimekla a mangé karia né tou telu itii. Wéwéhan kasii sé woopira tou ma'éman witi Yope kimiita ni sia.

Kisah Rasul-rasul 10:28

Ang kuan ni Petrus, “Kata'uan niouo, sé tou Yahudi én totoz sinéro' i mahkari-karia kaapa i mengangangé wana am walé né tou zéi'kan Yahudi. Taan si Opo Empung éng kimuamo wia ni aku, i ni aku én zéi'kan mata'u kumua sé tou zozo' in esa i makati'tiren kaapa zéi'kan mata'u pahkari-karian.

Kisah Rasul-rasul 10:32

Niitumo, ni ko matumoma tou mangé witi Yope i mangémé si Simon si pahkuan Petrus. Ni sia é mahento' witi walé ni Simon si mahpaayang mahweresi ang kulit né binatang, si witi tembir un tasik.’

Kisah Rasul-rasul 10:48

A séra ipekisaranila ni Petrus witu u ngaran ni Yesus Kristus. Tumondong niitu am pahaléien nérala si Petrus i mento'pé'ma karia néra woopirana endo.

1 Korintus 5:11

Ung kalakoan a méikuaku itii én tia' mahkari-karia sé tou mahkua ing katuari esa pa'émanen, taan ni sia é mahsamek, kaapa ni sia én angkum, kaapa mahsigi' sé opo-opo, kaapa mahtawuruk sé tou walina, kaapa matetewelen, kaapa tantowo. Maan i mahkan mahwali-wali karia néra én tia'.

Galatia 2:12

Pahpaan puunala sé woopira tou sé méiatumé ni Yakobus i niméyé, si Petrus é mahkan mahwali-wali karia né katuari esa pa'émanen sé zéi'kan tou Yahudi. Taan i nimawitula sé tou méiatumé ni Yakobus, si Petrus zimou'mé im wia sé katuari esa pa'émanen zéi'kan tou Yahudi itii wo soomo kuman mahwali-wali karia néra pahpaan ni sia é maindé' wia sé tou Yahudi sé sinunat sé méiatumé ni Yakobus.

2 Yohanes 1:10

Niitumo, sa wéwéhan si méyé wia ni kamu wo zéi'kan mahtuzu' an tutuzu' ni Kristus, si tou itii én tia' pahsungkulen niou i muntep witu um walé niou wo tia' mahwéhé u sisigi'an wia ni sia.