Kisah Rasul-rasul 11:2 - Taaz Weru Witu u Nunuwu'en Tombulu

² Niitumo, i si Petrus nimawurimomé sumaup witi Yerusalem, sé sana réwok tou Yahudi sé ma'émano si Yesus é mahzéi-zéi'an kariana.

Kisah Rasul-rasul 11:2 Iomraidhean Croise

Kisah Rasul-rasul 10:45

Sé tou Yahudi sé ma'émano si Yesus sé kimiité si Petrus é mengusi-ngusingsing pahpaan ni séra nimileka si Roh Lenas é méiwéhé kangkasii wia sé tahsasana wanua walina sé zéi'kan Yahudi.

Kisah Rasul-rasul 10:9

Masandomé, i lolamboto, sé tou telu itii é merétémoma u Yope. In toro niitu kangkasii si Petrus é nimenéka witi welah atas um walé a sia mengaléi.

Kisah Rasul-rasul 15:1

Wéwéhan sé woopira tou sé witi Yudea niméyé witi Antiokhia a mahtuzu' wia sé katuari esa pa'émanen witu, in téntii, “Sa kamu zéi'kan sinunat mengiit ung kinanaram méituzu'ma ni Musa, ni kamu én zéi'kan ipilot im witu un ukuman wana a singkéla' niou.”

Kisah Rasul-rasul 15:5

Taan wéwéhan sé woopira im wia sé sana réwok tou Farisi sé ma'émano wia si Yesus, rimendaié ang kumua, “Sé tou zéi'kan Yahudi é léwo'zéi' i sunaten wo léwo'zéi' i mahkiit un ukum ni Musa.”

Kolose 4:11

Wo si Yesus si pahkuan i Yustus kangkasii é mapaayoma u sigi' wia ni kamu. Im wia sé tou Yahudi sé ma'émano wia si Yesus Mahpiara, ni séra telu uman sé in tarékan mahpaayang kariaku i mahwangun a méiatu ni Opo Empung. Ni séramo sé mahenté' un atéku.

Titus 1:10

Pahpaan in tarékan im wia sé jamaat é lakezo sé mahsasarumokan, kataré-taré é sé im wia sé tou Yahudi sé ma'émano taan mahkiitpé' an tinotoz im pahsunaten. Ni séra menuwu-nuwu' an towo i mahlululu sé tou.