Kisah Rasul-rasul 10:9 - Taaz Weru Witu u Nunuwu'en Tombulu

⁹ Masandomé, i lolamboto, sé tou telu itii é merétémoma u Yope. In toro niitu kangkasii si Petrus é nimenéka witi welah atas um walé a sia mengaléi.

Kisah Rasul-rasul 10:9 Iomraidhean Croise

Matius 20:5

Woo jam i mapulu' wo zua wo jam ing katelu im wengindo, sia mondol kasiima sumaup a mangun tanu un taré winangunnamé.

Matius 24:17

Si tou witu um wawo um walé én tia'mo mahtutumpamé i maméndo am witu un untep um walé.

Matius 27:45

Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng.

Matius 6:6

Taan sa ni kamu mengaléi, muntepla witi penenekelan niou, likepé um pepenet wo mengaléila wia si Ama' niou si witi tampa méikawuni. Karia in téntu, si Ama' niou si mahileké a méikawuni é méhé um wawaér wia ni kamu.

Markus 1:35

Im woondopé' lé'os, i mahnana'upé' tou, si Yesus én timoozé a mondola. Ni Sia é nimangé witi tampa zéi'kan siapa tou a mengaléi.

Markus 6:46

Kumawusa niitu, ni séra matampasan karia né tou lakez, a Sia mangé witu ung kimeleng i mamengaléi.

Kisah Rasul-rasul 10:3

I sana endo, woo jam katelu im wengindo, oras i mengaléi, si Kornelius ém wéwéhan um pina'ilek. In toro niitu, totoz niileknama si malaekat ni Opo Empung i nimuntepé witu um waléna ang kumua wia ni sia, “Kornelius!”

Kisah Rasul-rasul 6:4

wo kalousna ni kai mahwéhé genang i mengaléi wo mahtuzu' u Nuwu' ni Opo Empung.”

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.