Kisah Rasul-rasul 10:41 - Taaz Weru Witu u Nunuwu'en Tombulu

⁴¹ Taan zéi'kan péléng sé tou Yahudi toro nimilek ni Sia. Akaz uman sé pinéléngo ni Opo Empung rengan ing kataré-taré sé toro nimilek wo makumua am pina'ilek néra. Ni kaimo sé tou itii sé kimano wo nimelepo karia-Na, kumawusa Sia i méitoumé sumaup ni Opo Empung im wia sé nimaté.

Kisah Rasul-rasul 10:41 Iomraidhean Croise

Lukas 24:30

I si Yesus rimumezola ing kuman karia néra, Sia méndomé u roti, kumuama u makasé wia si Opo Empung, pemété-météngen-Nala an iwéhé-Nama wia ni séra.

Lukas 24:48

Ni kamumo sé nimilek wo makumua péléng a nimamuali wia ni Aku.

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 14:22

Si Yudas, zéi'kan si Iskariot, meligau wia ni Sia, “Tuang, kura kahuman ni Ko mangun ni kai i mata'u ni Ko, taan sé tou walina sé wia ung kaayahan kenu én zéi'kan?”

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 15:27

Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”

Yohanes 21:13

A si Yesus rumétéma wia ni séra, méndomé u roti an iwéhé-Nama u roti itii wia ni séra, téntu kasii um winangun-Na wia si seza'.

Kisah Rasul-rasul 1:22

rengané ni Sia i sinarani ni Yohanes Menanarani makaz ni Sia i nimawénéta nimangé witi kasendukan timula'uma ni kita. Si tou itii é maéndo kakariata i makumua am pina'ilekta i si Yesus é mémoitoumé sumaup ni Opo Empung.”

Kisah Rasul-rasul 1:4

Makasamé, si Yesus é mahkan karia néra. In toro niitu, ang kuan-Na wia ni séra, “Tia'mo ipahtutula'u niou u Yerusalem kenu. Ni kamu é mento'mola wia'i ma'ento' si Ama' i lumekep u mémoitaaz-Na wia ni kamu, tanu un tinalinga niouo wia ni Aku.

Kisah Rasul-rasul 10:39

Ni kaimo sé nimilek karia um weren nai in esa péléng am winangun ni Yesus witi Yerusalem wo wana péléng am wanua pahento'an né tou Yahudi. Wo ni Sia ém winunu' néramola karia i méisalipla.

Kisah Rasul-rasul 13:31

Woopirana endo ni Sia i nimapailek un tou-Na wia sé tou sé mahkiita ni Sia rengané witi Galilea makaz witi Yerusalem. Ni séramo sé in tarékan mahkuama a niilek wo an tinalinga néra tumoro ni Sia wia sé tou Israel.