Kisah Rasul-rasul 10:11 - Taaz Weru Witu u Nunuwu'en Tombulu

¹¹ Ilekennama u langit é nimawukama an tumumpamé un tanu a roko' lempaz. U roko' itii é méitontoné witu un tana' karia un epat tali u méiapus wana an zuhuna u roko' itii.

Kisah Rasul-rasul 10:11 Iomraidhean Croise

Matius 8:11

Ikua-Kuma wia ni kamu: Lakez sé tou witi sendangan wo talikuzan é méyé wo kuman mahwali-wali karia ni Abraham, ni Ishak wo ni Yakub witi Kakolanoan ni Opo Empung.

Lukas 3:21

Puunala si Yohanes méiuntep witi bui, ni sia é simaranimola sé tou lakez. I si Yesus sinaraninala wo karegas si Yesus mengaléi a mawukama u langit,

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 11:52

Wo zéi'kan uman wia sé tahsasana wanua itii taan kangkasii i ruméwok wo mapaheesa sé oki' ni Opo Empung sé méikasera.

Yohanes 12:32

Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.”

Kisah Rasul-rasul 10:12

Im witu u roko' itii ém wéwéhan sé binatang epat a'é, sé binatang mahlangkou wo sé tumétéwél.

Kisah Rasul-rasul 11:5

“Karegas ni aku mengaléi im witi Yope, kumompo'mé ém wéwéhan u méipapailek wia ni aku. Ilekengkuma u langit é nimawukama an tumumpamé un tanu a roko' lempaz. U roko' itii é méitontoné witu u sinaruku karia un epat tali u méiapus wana an zuhuna u roko' itii.

Kisah Rasul-rasul 7:56

Ang kuana, “Ilekena! Ni aku é mahileka u langit nimawuka wo si Oki' ni Tou si rimendai witu ung kakan ni Opo Empung.”

Roma 1:16

Ni aku én zéi'kan maizang i mahwoka' u Nuwu' Lé'os tumoro si Yesus, pahpaan u Nuwu' Lé'os itii éng kawasa ni Opo Empung i milot péléng sé tou sé ma'éman im witu un ukuman wana a singkéla', kataré-taré é sé tou Yahudi wo kasii sé tou zéi'kan Yahudi.

Roma 9:4

Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

Galatia 2:15

Rengan i nimatoumé, ni kai én tou Yahudi wo zéi'kan tou wia sé tahsasana wanua walina a méyé, sé pahkuan mahsingkéla' pahpaan zéi'kan ma'éman wia si Opo Empung.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 3:6

Ung kenu u méikawunipé' itii: Péléng sé tou ma'éman u Nuwu' Lé'os tumoro si Kristus Yesus, ni séra in tou Yahudi kaapa zéi'kan tou Yahudi é makailek um wéwéténgan im wana a méitaaz ni Opo Empung wia sé tou-Na. Ni kita péléng é maéndo esa awak wo makailek u mémoitaaz ni Opo Empung wia sé nimaesa karia ni Kristus Yesus.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 19:11

An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 4:1

Kumawusa niitu, ilekengkuma um pepenet witi kasendukan nimawukama. An talingangkumé u nuwu' totoz rimez masuat wo un zanina um pontuang un im puuna én tinalingakumo. U nuwu' itii éng kimuamé wia ni aku, “Menékomé wia'i! Ni ko ém papailekang-Ku a léwo'zéi' mamuali in tumondongé kenu.”