Kisah Rasul-rasul 10:1 - Taaz Weru Witu u Nunuwu'en Tombulu

¹ Witi Kaisarea ém wéwéhan si tuama makangaran Kornelius. Ni sia én tonaas né sana atus suraro Romawi nginaranan Italia.

Kisah Rasul-rasul 10:1 Iomraidhean Croise

Matius 27:27

Tumondong niitu, si Yesus méipahwalima né suraro ni Pilatus witi istana ni gubernur, an tawahen néramé péléng sé kasuraro néra i maréwoké witu u makaliklik ni Yesus.

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Markus 15:16

Tumondong niitu, a si Yesus ipahwalima né suraro witi lésaz u istana ni gubernur Pilatus. An tawahené péléng sé kasuraro néra i maréwoké witu.

Lukas 7:2

Im witu ém wéwéhan si tonaas né sana atus suraro Romawi. Ni sia ém wéwéhan si ata totoz karaaténa. Si ata itii én totoz saki wo tawimo maté.

Yohanes 18:12

A sé suraro né Romawi karia ni tonaas néra wo sé menénéiz um walé ni Opo Empung sé méiatumé né tou Yahudi, tumiona wo mapusa si Yesus.

Yohanes 18:3

A méyé si Yudas witi tampa itii, mahwalimé sé sana réwok suraro né Romawi wo sé woopira tou sé menénéiz um walé ni Opo Empung, sé méiatumé né tonaas né walian wo né sana réwok tou Farisi. Ni séra niméyé é nimahalimé solo, obor wo ang kokoro'.

Kisah Rasul-rasul 10:24

Masandomé, séra ikaayola witi Kaisarea. Im witu si Kornelius é mengento-ngento'mokan ni séra. Sé katuarina wo sé kakariana én tinawahnamomé i maréwoké.

Kisah Rasul-rasul 21:31

Karegas séra i mahwuwunu' si Paulus, am wéwéhan si tou makimua wia si tonaas né sana riwu suraro né Romawi sa im witi Yerusalem é ringka'mo.

Kisah Rasul-rasul 21:8

Masandomé a ni kai tumula'umé um wanua tua'na itii an ikaayoma witi Kaisarea. Im witu ni kai é nimahento'mé witu um walé ni Filipus si mahwoka' u Nuwu' Lé'os tumoro si Yesus, si esaané im wia sé pitu tou sé pinéléng im witi Yerusalem.

Kisah Rasul-rasul 22:25

Taan i si Paulus méilélaz nérala i saluken, a sia kumuama wia si tonaas né sana atus suraro si mahpaayang witu, “Toro wé i sumaluk si tou Romawi sa sia zéi'kampé' tinotoz am winangunna in ulit kaapa zéi'kan?”

Kisah Rasul-rasul 23:23

Kumawusa niitu, si tonaas né sana riwu suraro tumawahmé sé zua tonaas né sana atus suraro ang kumua, “Ipekiimekla sé zuana atus suraro wo sé pituna pulu' suraro menaké kawalo wo sé zuana atus suraro mahali-ali am wengkou, im wengi kenu im woo jam kasiou i mangé witi Kaisarea.

Kisah Rasul-rasul 23:33

I méikaayomoma witi Kaisarea, an iayola né suraro menaké kawalo um pinantik itii wia si gubernur. A si Paulus iayo néra kasiila wia ni sia.

Kisah Rasul-rasul 25:1

In teluna endomo si gubernur Festus witi propinsi Kaisarea, a sia mangé witi Yerusalem.

Kisah Rasul-rasul 25:13

Woo pirana endo tumondongla niitu, a méyé si kolano Agripa karia ni tuarina wéwéné makangaran Bernike witi Kaisarea. Ni séra niméyé i mehé u sisigi'an néra wia si Festus si taré maéndola gubernur.

Kisah Rasul-rasul 27:1

In tinotozola i ni kai é léwo'zéi' suméngkot mangé witi Italia, si Paulus wo sé woopira tou walina sé tinionan é méiayola wia si Yulius, si tonaas né sana atus suraro ni Kaisar.

Kisah Rasul-rasul 27:31

Taan si Paulus éng kimuama wia si tonaas né sana atus suraro karia né surarona, “Sa sé memamaayang wia u londéi tua'na kenu zéi'mo wia'i, ni kamu én ikaléwo'.”

Kisah Rasul-rasul 27:43

Taan si tonaas né sana atus suraro itii é siméro' ni séra i mangun ang ginenang néra, pahpaan ni sia ém paaz in tumulung si Paulus. Am peréntanama sé tou mata'u mengoyou i mahpuunama ing kumonta'ma witi tasik wo moyoua mangé witi katanaan.

Kisah Rasul-rasul 8:40

Si Filipus ndéén ém witimo tana' Asdod. Ni sia mahkiité un tana' itii wo mahwoka' u Nuwu' Lé'os tumoro si Yesus wia sé tou wana péléng am wanua tua'na, makaz ni sia i méikaayoma witi Kaisarea.