Kisah Rasul-rasul 1:9 - Taaz Weru Witu u Nunuwu'en Tombulu

⁹ Makakuala niitu, witu u sinaru néra, si Yesus mawénéta mangé witi kasendukan, a Sia kaapé'ana u ninahak akaz Sia zéi'mo pahileken nérama.

Kisah Rasul-rasul 1:9 Iomraidhean Croise

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

1 Tesalonika 4:17

Kumawusa niitu, ni kita sé menou-noupé' in toro niitu ém wénéten karia néra witu u ninahak i sumungkul si Yesus Mahpiara witi langit. Téntumo kita péléng é mamemali-mali karia-Na makaz ing kauré-uré.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 11:12

A sé nabi zua itii tumalingamé u nuwu' rimez witi kasendukan u mahkuamé wia ni séra, “Mazémomé wia'i!” Pengile-ngileken né kakoro' néra, a séra mazéma witi kasendukan, sinaputa a ninahak.

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.