Kisah Rasul-rasul 1:3 - Taaz Weru Witu u Nunuwu'en Tombulu

³ Wia sé aatu-Na kenu, kumawusa Sia im pinahzézéhamé makaz nimaté, ni Sia nimapailek un tou-Na un tumuzu'mé i ni Sia én uli-ulit menou-nou. Im witu un epatna pulu' endo, ni Sia é menau-naup i nimapaileka un tou-Na wo nimahnuwu'ma wia ni séra tumoro ung Kakolanoan ni Opo Empung.

Kisah Rasul-rasul 1:3 Iomraidhean Croise

Matius 21:43

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 28:9

Kumompo'mé si Yesus é nimahilekanola karia néra a Sia sumigi'la wia ni séra. Séra rumétéla ni Sia, a mingki'la un a'é-Na a mahongkot wia ni Sia.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 4:2

Im witu si Yesus é mahpuasa epatna pulu' endo wo epatna pulu' wengi, kumawusa niitu a Sia mendané maharem.

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Yohanes 20:26

Waluna endo in tumondongé sé pahtuzu'en ni Yesus é riméwok witi walé itii sumaup wo si Tomas éng kimaria ni séra. Im péléng am pepenet kinusi', kumompo'mé si Yesus niméyé wo rimendai witu un unez néra a mahkua, “Ung kaluasan witu un até é menaté-natér ni kamu!”

Yohanes 21:1

Tumondong niitu a si Yesus mapailek kasii un tou-Na wia sé pahtuzu'en-Na witi tembir Louz Tiberias. Téntii u nimamuali:

Yohanes 21:14

Niitu péléng éng katelumo si Yesus nimapailek un tou-Na wia sé pahtuzu'en-Na kumawusa ni Sia i méitoumé sumaup ni Opo Empung im wia sé nimaté.

Kisah Rasul-rasul 13:31

Woopirana endo ni Sia i nimapailek un tou-Na wia sé tou sé mahkiita ni Sia rengané witi Galilea makaz witi Yerusalem. Ni séramo sé in tarékan mahkuama a niilek wo an tinalinga néra tumoro ni Sia wia sé tou Israel.

Kisah Rasul-rasul 19:8

Teluna loloho'en ung kauréna si Paulus i mengangangé witi walé peraragésan né tou Yahudi. Ni sia ém wuaya i mahnuwu' wo mahzéi-zéi'an karia né tou witu, i mahwawangun ni séra wo ma'éman tumoro ung Kakolanoan ni Opo Empung.

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Kisah Rasul-rasul 28:31

Karia in zéi'kan siapa si ikaindé' wo zéi'kan siapa a mahraung, si Paulus mahwoka' tumoro ung Kakolanoan ni Opo Empung wo tumoro si Yesus Kristus Mahpiara.

Kisah Rasul-rasul 8:12

Taan in tarékan ni séra é ma'émano wia si Filipus. Pahpaan ni sia é mahwoka' tumoro ung Kakolanoan ni Opo Empung wo tumoro si Yesus Kristus. Wo ni séra kasii, tuama wo wéwéné é sinarani.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Kolose 1:13

Ni Sia si nimilotomé ni kita im witu ung kawasa ni sétang si wana ang karimbengbengan wo ni Sia kangkasii nimahwali ni kita witi tampa sumena-sena', ung Kakolanoan ni Oki'-Na si ikararaaté-Na.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.