Kisah Rasul-rasul 1:24 - Taaz Weru Witu u Nunuwu'en Tombulu

²⁴ Tumondongla niitu a séra péléng mengaléi wo mahkua, “O Mahpiara, totoz kata'uan-Nu péléng an até né tou. Niitumo, ituzu'mé wia ni kai séi si péléngen-Nu im wia sé zua tou kenu.

Kisah Rasul-rasul 1:24 Iomraidhean Croise

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Yohanes 21:17

Kuan ni Yesus wia ni sia ing katelu, “Simon oki' ni Yohanes, apa ni ko rumaraaté ni Aku?” Pahpaan si Yesus kimua, “Apa ni ko rumaraaté ni Aku?” ing katelumo, niitumo un até ni Petrus é rumara. A sia kumuala wia si Yesus, “Tuang, ni Ko é mata'u péléng am péléng, kata'uan-Nu i ni aku é rumaraaté ni Ko.” A si Yesus kumuala wia ni sia, “Piarala sé domba-Ku.

Kisah Rasul-rasul 14:23

Sé zua aatu itii kasii én timotozla sé penatua witu un jamaat esa wo jamaat walina. Tumondong niitu, karia i mahpuasa wo mahmengaléi, sé penatua itii méiayola né aatu itii wia si Mahpiara si pa'émanen néra.

Kisah Rasul-rasul 15:8

Si Opo Empung si mata'u péléng an até né tou é nimapaileko i sé tou zéi'kan Yahudi é sinungkul-Namo. Ni Sia simungkul ni séra karia i niméhéma si Roh Lenas tanu si méiwéhé-Namé wia ni kita.

Kisah Rasul-rasul 6:6

Sé pitu tou itii é méisaru nérala wia sé aatu ni Yesus. A sé aatu itii zumeta'la u lengen néra witu um wawo né pitu tou itii a mengaléi wia si Opo Empung.

Roma 8:27

Si Opo Empung si mata'u am witu un até né tou, mata'u ung kapaaz ni Roh Lenas pahpaan si Roh Lenas itii si mahpengaléi sé tou linenas ni Opo Empung mengiit ung kapaaz-Na.

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.