Kisah Rasul-rasul 1:16 - Taaz Weru Witu u Nunuwu'en Tombulu

¹⁶ “Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

Kisah Rasul-rasul 1:16 Iomraidhean Croise

Matius 26:14

A si esaané im wia sé mapulu' wo zua pahtuzu'en ni Yesus si makangaran Yudas Iskariot, mangé wia sé tonaas né walian.

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 26:54

Taan sa téntu, kurapé' kahuman i malekep u méipantik witu um Pinantik Lenas, ung kimua sa a mahmuali in tarékan é léwo'zéi' i mamuali?”

Matius 26:56

Taan péléng niia é léwo'zéi' mamuali wo malekep a méipantik né nabi witu um Pinantik Lenas.” Am péléng sé pahtuzu'en ni Yesus tumula'uma ni Sia an tumingkasa.

Markus 12:36

Si Daud in esa, i ni sia kinawasa ni Roh Lenas éng kimua in téntii: Si Opo Empung éng kimua wia si Tuangku: ‘Rumumezola witu ung kakan-Ku, makaz sé kakoro'-Mu iwéhé-Ku witu u léléék-Mu.’

Markus 14:43

I si Yesus karegaspé' mahnuwu', méyé si Yudas, si esaané im wia sé mapulu' wo zua pahtuzu'en-Na, nimahwalimé karia né sana réwok tou sé mahali-ali am pisou wo am wéwélwél. Ni séra é méiatumé né tonaas né walian, né tou tulap un Torat wo né pahtutu'an.

Lukas 22:47

I si Yesus karegaspé' mahnuwu', méyé sé sana réwok tou wo si mahpuuna im wia ni séra é si Yudas si esaané im wia sé pahtuzu'en-Na. Si Yudas rumétéma wia si Yesus i sumiom ni Sia.

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Yohanes 13:18

An ikua-Ku kenu én zéi'kan tumoro ni kamu péléng. Kata'uang-Ku séi sé pinéléng-Ku. Taan u méipantik witu um Pinantik Lenas é léwo'zéi' mamuali, ‘Si tou kiman u roti karia-Ku é maéndo kakoro'-Ku.’

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Yohanes 19:36

Niitu nimamuali wo malekep u méipantik witu um Pinantik Lenas in téntii, “Zéi'kan siapa zozo' in esa un zuhi-Na u rinepu'.”

Kisah Rasul-rasul 1:20

A si Petrus kumua kasiima, “Witu ung kitap Mazmur é méipantik in téntii, ‘Iwayamola um pahwéha-wéhanna im pene-penesa, wo zéi'kan siapa tou si mahento' witu.’ Wo kasii wéwéhan u méipantik in téntii, ‘Iwayamola um paayangenna in éndona né tou walina.’

Kisah Rasul-rasul 13:15

I nimakabacamola ung kitap Torat wo um pinantik né nabi, sé tonaas um walé peraragésan é nimatuma tou i meligau wia si Paulus wo si Barnabas in téntii, “Katuari-katuari, sa kamu wéwéhan un ipahkukua i maheenté' um pa'émanen né tou kenu, ikuamoma!”

Kisah Rasul-rasul 13:38

Niitumo katuari-katuari, kata'uan nioula im pahpaano ni Sia, ni kamu é nimakaileko um wowoka' tumoro un ampungan wana a singkéla' niou. Wo un ukum Torat én zéi'kan mata'u mangun ni kamu niéndo ulit.

Kisah Rasul-rasul 15:13

Sumampeta si Paulus wo si Barnabas i mahnuwu', ang kumuamé si Yakobus, “É katuari-katuari, talingana ni aku:

Kisah Rasul-rasul 15:7

Ni séra én uré i simirita tumoro um pahzéi-zéi'an itii. Tumondong niitu, rumendaié si Petrus ang kumua wia ni séra, “É katuari-katuari, kata'uan niouo rengané ing kataré-taré, ni aku ém pinéléng ni Opo Empung im wia ni kamu, i mahwoka' u Nuwu' Lé'os tumoro si Yesus wia sé tou zéi'kan Yahudi, wo ni séra tumalinga wo ma'éman niitu.

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Kisah Rasul-rasul 22:1

“Sé ama' wo katuari-katuari, talingana, wéwéhan un ipahkukuaku wia ni kamu in tarékan i mahkekelung un touku.”

Kisah Rasul-rasul 23:1

Karia i mahwerenna wia sé tou sé méikauntep witu u Mahkamah Agama si Paulus mahkua, “Katuari-katuari, makaz in endo kenu ni aku é menou-nou karia un até weresi witu u sinaru ni Opo Empung.”

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 28:17

Teluna endo tumondongla niitu, si Paulus timawahmé sé tou Yahudi sé pahkua-kua i mémahilekan kariana. I ni séra nimaréwokomé, a sia kumuala, “Katuari-katuari! Zozo' ni aku zéi'kan nimahwangu-wangunla apa uman u mahsaru sé tahsasana wanuata, wo ang kinanaram né nimaopota, taan ni aku én tinionan néramé im witi Yerusalem an iayola wia sé tou Romawi.

Kisah Rasul-rasul 28:25

Pahpaan im wia ni séra én zéi'kampé' maéndoan, a séra rengan mondolé im witu. Karegas séra mahondolé im witu, si Paulus kumuama ung kenu wia ni séra, “Totozo ulit u nuwu' méikuamé ni Roh Lenas wia sé nimaopota mengiité si nabi Yesaya,

Kisah Rasul-rasul 7:2

A si Stefanus mingkotla, “Katuari-katuari wo sé ama', talingana! Im puuna, i si nimaopota Abraham mahento' witi tana' Mesopotamia, puunala sia i mahento' witi Haran, si Opo Empung si totoz im pahsigi'en wo pahloozen é nimapailekola un tou-Na wia ni sia,

1 Petrus 1:11

A méipapata'u itiimo am pinahtata'uma né nabi, sawisa wo kura niitu i mamuali. Si Roh ni Kristus si wia sé nabi itii é nimapata'u i si Kristus é masungkul an zézéha. Mengiité an zézéha itii, si Kristus é makailek u sigi' wo looz.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.

2 Petrus 2:21

Niitumo, tawimo ni séra én zéi'kan nimata'uma an tutuzu' kaulitan ni Opo Empung, taan ung kinata'uan nérakala an tutuzu' itii taan ing kamurian ni séra én timula'ukala am perénta ni Opo Empung a méipahtuzu'mo wia ni séra.