Kisah Rasul-rasul 1:15 - Taaz Weru Witu u Nunuwu'en Tombulu

¹⁵ I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 1:15 Iomraidhean Croise

Matius 13:31

An isirita kasiila ni Yesus un aandéan walina wia ni séra. Kuan-Na, “Ung Kakolanoan ni Opo Empung én tanu am watuna tatanemen totoz rintek, a niéndoma ni tou a maikerozé witi umana.

Lukas 22:32

Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 21:23

An ikaserama im wia sé katuari sé mahkii-kiit si Yesus itii u sirita i si pahtuzu'en itii én zéi'kan maté. Taan si Yesus én zéi'kan kimuama wia si Petrus i si pahtuzu'en itii én zéi'kan maté. U méikua-Na, “Sa ni sia kapaaz-Ku menou-nou makaz ni Aku i mawurimé sumaup, niitu én zéi'kan urusannu.”

Kisah Rasul-rasul 10:23

A si Petrus mahaléila ni séra i mento'pé'ma witu. Masandomé, si Petrus mimekla a mangé karia né tou telu itii. Wéwéhan kasii sé woopira tou ma'éman witi Yope kimiita ni sia.

Kisah Rasul-rasul 11:1

Sé aatu ni Yesus wo sé katuari esa pa'émanen witi Yudea én timalinga i sé tahsasana wanua walina sé zéi'kan tou Yahudi kasii é nimakailekola u nuwu' ni Opo Empung.

Kisah Rasul-rasul 11:12

A si Roh Lenas kumuala wia ni aku, ‘Mangémo karia néra. Tia'mo mahzua-zua genang pahpaan ni séra in zéi'kan tou Yahudi.’ Kaitalingamé niitu, ni aku wo sé enem katuari esa pa'émanen kenu kangkasii é nimangé witi Kaisarea. Ikaayola witu, a ni kai muntepa witu um walé ni Kornelius.

Kisah Rasul-rasul 11:26

Ni séra zua é mahento' mahwali-wali karia né jamaat witu, sana ta'un ung kauréna. Im witu ni séra é mahtuzu' tumoro si Yesus wia sé tou lakez. Im witi Antiokhia itiimo ing kataré-taré sé tou ma'éman si Yesus im pahkuan tou Sarani.

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 14:2

Taan sé tou Yahudi sé soo an ipahwoka' néra zua é mahaker sé tou zéi'kan Yahudi, wo nimangun ni séra maupi' wia sé tou ma'éman.

Kisah Rasul-rasul 15:1

Wéwéhan sé woopira tou sé witi Yudea niméyé witi Antiokhia a mahtuzu' wia sé katuari esa pa'émanen witu, in téntii, “Sa kamu zéi'kan sinunat mengiit ung kinanaram méituzu'ma ni Musa, ni kamu én zéi'kan ipilot im witu un ukuman wana a singkéla' niou.”

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Kisah Rasul-rasul 16:2

Si Timotius éng kata'uan né katuari esa pa'émanen witi Listra wo Ikonium in tou lé'os.

Kisah Rasul-rasul 16:40

Ni séra zua mondola im witi bui itii, a mangé witi walé ni Lidia. Im witu ni séra zua é nimahilekan karia né tou esa pa'émanen wo nimenté' un até néra. Tumondong niitu, a sé zua aatu itii mangé.

Kisah Rasul-rasul 17:10

Im wengikan itii, si Paulus wo si Silas é rengan i méiatuma né katuari esa pa'émanen i mangé witi Berea. I ni séra méikaayomola witu, a séra mangé witi walé peraragésan né tou Yahudi.

Kisah Rasul-rasul 17:14

Niitumo sé katuari esa pa'émanen witi Berea é rengan i nimatuma si Paulus i nimangé witi tembir un tasik. Taan si Silas wo si Timotius ém witipé' Berea.

Kisah Rasul-rasul 17:6

Taan si Paulus wo si Silas én zéi'kan kinailekan néramé. Niitumo, ni séra éng kiméhongé si Yason wo sé woopira katuari esa pa'émanen, an ipahwalima wia sé mahkawasa witu um wanua tua'na itii karia i mahkérét, “Sé tou sé mahrikoka' wana péléng an tampa, niméyémo wia um wanua tua'nata kenu,

Kisah Rasul-rasul 18:18

Si Paulus ém woopirana endopé' i nimahento'mé witi Korintus. A sia tumuzu'la wia sé katuari esa pa'émanen witu, a suméngkota witi Siria karia ni Priskila wo ni Akwila. Im witi Kengkrea si Paulus é limo'gasla um wuukna pahpaan un taazna wia si Opo Empung.

Kisah Rasul-rasul 18:27

Pahpaan si Apolos éng gimenang i lumeweta mangé witi Akhaya, sé katuari esa pa'émanen witi Efesus é niméhéma um pinantik wia sé tou ma'éman witu, wo séra sumungkul ni sia. I ni sia méikaayola witi Akhaya, ni sia én totoz uli-ulit mahsawang sé tou ma'éman pahpaan ung kamang tatambér ni Opo Empung.

Kisah Rasul-rasul 21:17

I ni kai méikaayomola witi Yerusalem, péléng sé katuari esa pa'émanen witu é simungkul ni kai karia i mahpaa-paaz.

Kisah Rasul-rasul 21:20

Kaitalingamé niitu, a séra mahlooz si Opo Empung. Ang kuan néra wia si Paulus, “Paulus! Kata'uannula i mariwu-riwumo sé tou Yahudi sé ma'émano wia si Yesus, wo ni séra péléng kangkasii én totoz mahkii-kiit un ukum Torat.

Kisah Rasul-rasul 21:7

Witi Tirus ni kai meméhé-méhéma i siméngkot makaz witi Ptolemais, im witumo ung kinaakazan u sinéngkotan nai. Im witu ni kai mamahilekan karia né katuari esa pa'émanen a mento'ma sana endo karia néra.

Kisah Rasul-rasul 22:5

Si Walian Wangko' wo sé Mahkamah Agama kasii én toro kumuamé, sa péléng an ipahkuaku én ulit. Wo ni séra kasii sé niméhémé um pinantik u niméhé ung kawasa wia ni aku im pahalin wia sé tou Yahudi witi Damsyik. Um pinantik itiimo u nimangun ni aku in toro tumion sé tou sé mahkiit an tutuzu' ni Yesus Mahpiara witi Damsyik a mahwali ni séra witi Yerusalem i maukumen.

Kisah Rasul-rasul 28:14

Im witu, ni kai nimahilekan karia né katuari esa pa'émanen wo pahpaan im pinahaléi nérala, ni kai é nimento' karia néra pituna endo. Tumondong niitu a ni kai mangé witi Roma.

1 Korintus 15:6

Tumondong niitu, a Sia mapailek un tou-Na wia sé lumakezé né limana atus katuari ma'éman. Lakez im wia ni séra é menou-noupé' makaz in tarékan taan sé woopira im wia ni séra é nimatémoma.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 3:4

Taan im wia ni kamu im wia u Sardis kenu ém wéwéhampé' sé woopira tou sé zéi'kan mahsingkéla'. Ni séra én tanu si tou kimarai ung karai weresi. Ni séra é malumampang mahwali karia-Ku kimarai ung karai kulo', pahpaan ni séra ém wangun i maténtu.