Kisah Rasul-rasul 1:14 - Taaz Weru Witu u Nunuwu'en Tombulu

¹⁴ Ni séra péléng é nimaréwok karia un esa genang i mahmengaléi. Ni séra i mengaléi éng karia né woopira wéwéné, karia ni Maria ina' ni Yesus wo sé katuari ni Yesus.

Kisah Rasul-rasul 1:14 Iomraidhean Croise

Matius 12:46

I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Matius 21:22

Apa uman am pahaléien niou witu um pengaléien karia in uli-ulit ma'éman, niitu é makailekan niou.”

Matius 27:55

Im witu kangkasii é lakez sé wéwéné mengile-ngileké witi zou'ma. Ni séra é sé wéwéné nimahkiité si Yesus rengané im witi Galilea i mahselewir ni Sia.

Markus 15:40

Im witu kangkasii ém wéwéhan sé woopira wéwéné sé mengile-ngileké witi zou'ma. Im wia ni séra é si Salome, si Maria tou Magdala wo si Maria ina' ni Yakobus si Tarétumou wo ni Yoses.

Markus 16:1

I limangkoioma un endo Sabat, si Salomé, si Maria tou Magdala wo si Maria si ina' ni Yakobus é matimelesé u lana mahwou tariis um pahalin witi lelewengan i maisu' un awak ni Yesus.

Lukas 11:13

Niitumo, sa ni kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé si Roh Lenas wia sé tou mahaléi wia ni Sia.”

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 23:49

Péléng sé totoz mata'u si Yesus, méikauntep witu sé wéwéné nimahkiité ni Sia im witi Galilea, rimendai witi zou'ma wo nimilek péléng niitu.

Lukas 23:55

Sé wéwéné sé nimahwalimé karia ni Yesus witi Galilea a méyé, ni séra é nimahkiité wo nimilek u lelewengan itii wo kura un awak ni Yesus i méizeta'.

Lukas 24:10

Sé wéwéné itii é si Maria tou Magdala, si Yohana wo si Maria ina' ni Yakobus karia né wéwéné walina. Ni séra é nimahwalima i makumua wia sé aatu ni Yesus.

Lukas 24:33

Séra rumendaié a mawuri witi Yerusalem. Ileken néra, im witu é nimaréwok sé mapulu' wo esa pahtuzu'en ni Yesus wo sé tou walina sé mahkii-kiit si Yesus.

Lukas 24:53

Sekezé ni séra ém witi walé ni Opo Empung i lumooz wo sumigi' si Opo Empung.

Lukas 8:20

Wéwéhan si tou makimua wia si Yesus, kuana, “Si ina' wo sé katuari-Mu ém witi ondol, ni séra ém paaz mahilekan karia-Mu.”

Kisah Rasul-rasul 2:1

Im witu un endo wangko' Pentakosta, péléng sé tou ma'éman wia si Yesus é nimaréwok witu um walé.

Kisah Rasul-rasul 2:42

Ni séra én uli-ulit mahtalinga an tutuzu' ipahtuzu' né aatu ni Yesus wo meréwo-réwok. Wo ni séra kasii sekezé é mahkan wo mahmengaléi mahwali-wali.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 6:4

wo kalousna ni kai mahwéhé genang i mengaléi wo mahtuzu' u Nuwu' ni Opo Empung.”

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

1 Korintus 14:13

Niitumo, séi si mahnuwu' karia u nunuwu'en un akaz uman si Roh Lenas si mata'u, mengaléila wo sia tambérané u makawawa i mahkua ung kalakoan an ipahkuana.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Kolose 4:2

Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.