Kisah Rasul-rasul 1:13 - Taaz Weru Witu u Nunuwu'en Tombulu

¹³ I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 1:13 Iomraidhean Croise

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 14:15

Si makawalé itii én tumuzu' wia ni kamu um porés selah witu un atas um walé wo am pemandungen é sana witumo. Witumo u léwo'zéi' in imekan nioula i ni kita lumé'os um Paskah!”

Markus 14:33

An tawahen-Namé si Petrus, si Yakobus wo si Yohanes i mangé karia-Na. In toro niitu, un até-Na én totozo zéha wo zéi'mo katu'tulan.

Markus 2:14

Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus.

Markus 5:37

Zéi'kan iwéhé ni Yesus sé tou zozo' in esa ing kumiit ni Sia. Akaz uman si Petrus, si Yakobus wo si Yohanes si katuari ni Yakobus sé toro kumiit.

Markus 9:2

I limangkoiola un enemna endo, si Yesus mahwalima si Petrus, si Yakobus karia ni Yohanes i simosoza witu ung kentur rakék. Im witu én zéi'kan siapa tou walina akaz uman ni séra. In toro niitu ileken nérama si Yesus é nimawalinamoma.

Lukas 22:12

Si makawalé itii én tumuzu' wia ni kamu um porés selah witu un atas um walé wo am pemandungen é sana witumo, witu u léwo'zéi' in imekan nioula.”

Yohanes 11:16

A si Tomas, si pahkuan Didimus, kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”

Yohanes 14:22

Si Yudas, zéi'kan si Iskariot, meligau wia ni Sia, “Tuang, kura kahuman ni Ko mangun ni kai i mata'u ni Ko, taan sé tou walina sé wia ung kaayahan kenu én zéi'kan?”

Yohanes 18:17

Si ata wéwéné si timéiz um pepenet kumuama wia si Petrus, “Zéi'kankuaa ni ko kangkasii ém pahtuzu'en ni tou itii?” Wingkotela ni Petrus, “Zéi'kan!”

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 15:13

Sumampeta si Paulus wo si Barnabas i mahnuwu', ang kumuamé si Yakobus, “É katuari-katuari, talingana ni aku:

Kisah Rasul-rasul 2:14

A si Petrus wo sé mapulu' wo esa aatu ni Yesus rumendaié. Karia i rimez si Petrus mahnuwu'ma wia sé tou lakez itii, “É kamu sé tou Yahudi wo ni kamu péléng sé mahento' wia u Yerusalem! Totoz pahwéhanla genang an ipahkuaku wo kata'uan nioula.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 20:8

Witi porés um welah atas un tampa kinaréwokan nai é lakez a solo tinutungan.

Kisah Rasul-rasul 4:13

Sé tou méikauntep witu u Mahkama Agama é mengusi-ngusingsing i nimilekla si Petrus wo si Yohanes zéi'kan maindé' i mahwingkoté wo ni séra kasii é mata'u i ni séra zua én tou kanaramen wo zéi'kan simikola. Kinata'uan néra kasiila i ni séra zua é mahkii-kiit si Yesus.

Kisah Rasul-rasul 4:19

Taan si Petrus wo si Yohanes é nimingkotla in téntii, “Totozen niouola in esa wisa un ulit im witu u sinaru ni Opo Empung: mahtali-talinga wia ni kamu kaapa mahtali-talinga wia si Opo Empung.

1 Korintus 15:7

Tumondong niitu, a Sia mapailek un tou-Na wia si Yakobus wo wia péléng sé aatu-Na.

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

2 Yohanes 1:1

Um pinantik kenu ém wia ni aku, si penatua wo iwéhé wia sé totoz ikararaatéku, si ina' pinéléng ni Opo Empung wo wia sé oki'na. Zéi'kan uman ni aku si rumaraaté ni kamu, taan maan péléng sé tou sé mata'umo an tutuzu' kaulitan,

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.