Kisah Rasul-rasul 1:11 - Taaz Weru Witu u Nunuwu'en Tombulu

¹¹ Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 1:11 Iomraidhean Croise

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 16:28

Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 24:30

In toro niitu, sé tou é milek a mamuali witi langit un tumuzu'mé i si Oki' ni Tou é méyémo sumaup. Péléng sé tou wia ung kaayahan é mamé' wo ni séra é milek si Oki' ni Tou si witu um wawo u ninahak witi langit karia péléng ang kawasa wo ang kawangko'an-Na.

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Markus 13:26

In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Markus 14:70

Taan si Petrus kasii éng kimélong umanla. Zéi'kan uré, sé tou witu é mahkua kasii wia si Petrus, “Ulito, ni ko én esaané im wia ni séra, pahpaan ni ko én tou Galilea!”

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Lukas 24:5

Ni séra én totoz kinaindé'an ang kumuruzla wo ung gio néra é nimakaz witu un tana'. Taan sé tou zua itii éng kimua wia ni séra, “Kaa kamu menéro ni Sia si menou-nou im wia sé nimaté?

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 1:22

rengané ni Sia i sinarani ni Yohanes Menanarani makaz ni Sia i nimawénéta nimangé witi kasendukan timula'uma ni kita. Si tou itii é maéndo kakariata i makumua am pina'ilekta i si Yesus é mémoitoumé sumaup ni Opo Empung.”

Kisah Rasul-rasul 1:9

Makakuala niitu, witu u sinaru néra, si Yesus mawénéta mangé witi kasendukan, a Sia kaapé'ana u ninahak akaz Sia zéi'mo pahileken nérama.

Kisah Rasul-rasul 13:31

Woopirana endo ni Sia i nimapailek un tou-Na wia sé tou sé mahkiita ni Sia rengané witi Galilea makaz witi Yerusalem. Ni séramo sé in tarékan mahkuama a niilek wo an tinalinga néra tumoro ni Sia wia sé tou Israel.

Kisah Rasul-rasul 2:7

Ni séra péléng é menganga-nganga wo mengusi-ngusingsing, ang kuan néra, “Zéi'kankuaa péléng sé tou mahnuwu' itii én tou Galilea?

Kisah Rasul-rasul 3:12

I si Petrus nimileka sé tou lakez itii, a sia kumuala wia ni séra, “É kamu in tou Israel, kaa kamu mengompo' i nimileka un taré mamualima kenu? Kaa kamu mengile-ngileké wia ni kai tanumokan ni kai sé nimangun ni sia in toromo mahlampang pahpaan ung kawasa kaapa pahpaan ni kai sekezé é mahwangun ung kapaaz ni Opo Empung?

Kisah Rasul-rasul 3:21

Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.