Ibrani 9:9 - Taaz Weru Witu u Nunuwu'en Tombulu

⁹ Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.

Ibrani 9:9 Iomraidhean Croise

Roma 5:14

Zozo' in téntu, um patéan éng kimawasa rengané witu un oras ni Adam makaz witu un oras ni Musa, téntu kangkasii um patéan éng kimawasa wia sé tou simingkéla' zéi'kan tanu a singkéla' pinahwanguné ni Adam. Si Adam én tumuzu'mé si Kristus si méitaaz ni Opo Empung i méyé in tumondong.

Galatia 3:21

Sa téntu, apa un ukum Torat u méiwéhé ni Opo Empung é nimatamburian karia an taaz-Na? Zéi'kan téntu. Pahpaan sa un ukum Torat é méiwéhé ni Opo Empung i méhé ung katou-touan makaz ing kauré-uré, tantumo sé tou niéndo ulit im witu u sinaru ni Opo Empung pahpaan mahkiit un ukum Torat.

Ibrani 10:11

Sekez in endo péléng sé walian é mahpaayang am paayangen néra wo menau-naup mahkeriz sé tatamun sé masuat in iragés. Taan un ipahragés néra én zéi'kan mamuali in zuméi' a singkéla'.

Ibrani 11:19

Pahpaan im witu ung genang ni Abraham i si Opo Empung ém wéwéhan kawasa in tumou sumaup sé tou nimatémo. Niitumo, si Ishak én tanu ing kinailekané sumaup ni Abraham im witu um patéan.

Ibrani 5:1

Péléng sé Walian Wangko' ém pinéléng im wia sé tou i sumawel sé tou lakez, mapaayo péléng an ipapaayo néra wia si Opo Empung wo maayang i méhé a raragés wo mahali sé tatamun sé kinerizo, sé iragés né tou wia si Opo Empung i mahaléi ampungan wana a singkéla'.

Ibrani 7:11

I si Opo Empung niméhé un ukum Torat wia sé tou Israel, ni Sia kangkasii é niméléng sé suzu ni Lewi i maéndo walian i mahkit sé tou Israel mangun un ukum Torat itii. Taan um pahpaayangen néra itii én zéi'kan nimangun sé tou i lekep witu u sinaru ni Opo Empung. Pahpaano niitu, léwo'zéi' wéwéhan si Walian Wangko' walina si zéi'kan suzu ni Harun taan si mengiit ung katou-touan wo um pakahpaayang ni Melkisedek.

Ibrani 8:4

Sa si Yesus memia-miapé' wia ung kaayahan kenu, ni Sia én zéi'kan maéndo walian, pahpaan wia ung kaayahan kenu ém wéwéhan sé tinotozo i maéndo walian i mahali a raragés, mengiit un ukum Torat.

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.