Ibrani 9:7 - Taaz Weru Witu u Nunuwu'en Tombulu

⁷ Taan um witi tampa kazua um pahkuan Tampa Totoz Lenas, si Walian Wangko' uman si toro muntep witu, makasa uman witu u sana ta'un. Ni sia én zéi'kan mata'u muntep witu sa sia zéi'kan mahalima un zaha' né tatamun sé kinerizo in iragés wia si Opo Empung, in zuméi' a singkéla'na in esa wo a singkéla' né tou Israel an zéi'kan pinahtututu' néra im winangun.

Ibrani 9:7 Iomraidhean Croise

Efesus 4:18

Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

Ibrani 10:3

Taan u mengangali sé tatamun sekez in ta'un itii u nimapa genang uman taréma wia ni séra i ni séra én tou mahsingkéla'pé'.

Ibrani 6:19

Si pahéré'anta é si Yesus. Ni Sia én tanumokan un jangkar enté' wo méikateptep, pahpaan ni Sia mahenté' um pa'émanenta. Si Yesus nimahpuunamoma i nimangé witu muri u roko' aapé' witi tampa lenas i rumété si Opo Empung in tumubus a singkéla'ta.

Ibrani 7:27

Ni Sia én zéi'kan tanu sé walian wangko' walina sé sekez in endo é mengangali sé tatamun kinerizo in iragés in zuméi' a singkéla' néra in esa wo taré mangun un téntu in zuméi' a singkéla' né tou. Pahpaan, niitu ém winangun-Namomé makasa uman makaz ing kauré-uré, i ni Sia nimayo un tou-Na in esa i maéndo raragés in zuméi' a singkéla' né tou.

Ibrani 9:3

Im witu un Tampa Lenas itii ém wéwéhan u roko' méiapé' kazua wo witu muri u roko' méiapé' itii ém wéwéhan un tampa pahkuan Tampa Totoz Lenas.