Ibrani 9:3 - Taaz Weru Witu u Nunuwu'en Tombulu

³ Im witu un Tampa Lenas itii ém wéwéhan u roko' méiapé' kazua wo witu muri u roko' méiapé' itii ém wéwéhan un tampa pahkuan Tampa Totoz Lenas.

Ibrani 9:3 Iomraidhean Croise

Matius 27:51

U roko' méiapé' witi tampa Totoz Lenas witi Walé ni Opo Empung é nimapahzuama witi atas makaz witi wawa'. A méhzo'mé makaz ang kentur watu é nimaweka.

Ibrani 6:19

Si pahéré'anta é si Yesus. Ni Sia én tanumokan un jangkar enté' wo méikateptep, pahpaan ni Sia mahenté' um pa'émanenta. Si Yesus nimahpuunamoma i nimangé witu muri u roko' aapé' witi tampa lenas i rumété si Opo Empung in tumubus a singkéla'ta.

Ibrani 9:7

Taan um witi tampa kazua um pahkuan Tampa Totoz Lenas, si Walian Wangko' uman si toro muntep witu, makasa uman witu u sana ta'un. Ni sia én zéi'kan mata'u muntep witu sa sia zéi'kan mahalima un zaha' né tatamun sé kinerizo in iragés wia si Opo Empung, in zuméi' a singkéla'na in esa wo a singkéla' né tou Israel an zéi'kan pinahtututu' néra im winangun.

Ibrani 9:8

Mengiit an tinotoz itii si Roh Lenas é mapata'umé, u lalan mangé witi Tampa Totoz Lenas itii én zéi'kampé' mawuka sa un tampa lenas memitu-mitupé'.