Ibrani 9:28 - Taaz Weru Witu u Nunuwu'en Tombulu

²⁸ Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

Ibrani 9:28 Iomraidhean Croise

Matius 20:28

Téntu kangkasii si Oki' ni Tou i méyé én zéi'kan i selewiren, taan i mésumelewir wo i mayo ung katou-touan-Na in tumubus a singkéla' né tou lakez.”

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 26:28

Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Roma 3:25

Si Kristus Yesus én tinotozo ni Opo Empung i muka u lalan wo sé tou mawurian sumaup karia ni Opo Empung pahpaan ma'éman un zaha'-Na u méikasaroi i sinalip. Niia un tumuzu'mé i si Opo Empung én zéi'kan mahsanaweka. Ni Sia im puuna én ezen im wana a singkéla' né tou taka-takazan ni Sia zéi'kan nimukum ni séra.

Roma 5:15

Taan un tatambér ni Opo Empung én zéi'kan masuat karia a singkéla' ni Adam. Pahpaan u singkéla' ni Adam é nimangun sé tou lakez nimaté, taan u lumouspé'mé ung kawangko'na é raraatéan ni Opo Empung wo un tatambér méiwéhé-Na wia sé tou lakez pahpaan si tou esa, ni Siamo si Yesus Kristus.

Roma 6:10

Ni Sia nimaté ing kumala ung kawasa a singkéla', niitu é makasa uman makaz ing kauré-uré. Wo ung katou-touan-Na in tarékan ém wia si Opo Empung.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

1 Korintus 1:7

Pahpaano niitu, péléng an tatambér ni Roh Lenas ém wiamo ni kamu, karegas ni kamu i ma'ento' si Yesus Kristus Mahpiarata i mawurimé sumaup.

1 Korintus 15:54

Niitumo, un awakta un toro maléwo' é mawalina makaz in zéi'mo maléwo', wo un awak toro maté é mawalina makaz in zéi'mo maté. Niitu un tumuzu'mé u méipantik witu um Pinantik Lenas é nimamualimo. Téntii u méipantik, “Si Opo Empung én ziméi'moma um patéan, kinala-Namoma um patéan.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

2 Tesalonika 2:1

Katuari-katuari, tumoro kura si Yesus Kristus Mahpiarata i méyé sumaup wo kura kasii Sia i ruméwok ni kita i mahwali-wali karia-Na én téntii um pahaléien nai wia ni kamu:

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 10:10

Pahpaan un ikapaaz ni Opo Empung itiimo, ni kita maéndo tou linenas-Na, i si Yesus Kristus nimayo un tou-Na makasa uman makaz ing kauré-uré i meresi a singkéla' né tou.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Ibrani 7:27

Ni Sia én zéi'kan tanu sé walian wangko' walina sé sekez in endo é mengangali sé tatamun kinerizo in iragés in zuméi' a singkéla' néra in esa wo taré mangun un téntu in zuméi' a singkéla' né tou. Pahpaan, niitu ém winangun-Namomé makasa uman makaz ing kauré-uré, i ni Sia nimayo un tou-Na in esa i maéndo raragés in zuméi' a singkéla' né tou.

Ibrani 9:25

Si Kristus nimuntep witu én zéi'kan menau-naup i mayo un tou-Na i maéndo raragés, tanu um pahwangunen ni Walian Wangko' sekez in ta'un i mengangalima un zaha' né tatamun sé kinerizo witi tampa Totoz Lenas, zéi'kan un zaha'na in esa.

1 Petrus 2:24

Ni Sia nimasaan a singkéla'ta karia un tou-Na in esa, i ni Sia nimaté witu u salip. Karia in téntu, ni kita sé nimatémo wana a singkéla'ta én toro ikapiloté im witu ung kawasa a singkéla'ta i menou-nou mahkiit ung kapaaz ni Opo Empung. Wo pahpaan am péla'-Na ni kita é nimalé'os.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

2 Petrus 3:12

Ni kamu éng karegas i ma'ento' wo mengalé-ngaléi un endo ni Opo Empung itii é reweké. In toro niitu, un api é luma'ung wo kumemu u langit, wo um pasu'na mangun péléng am witi langit é meno.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.

Yudas 1:21

Ime-imeken un toumu witu u raraatéan ni Opo Empung, karegas i ma'ento' u raraatéan ni Mahpiarata, si Yesus Kristus, i méhémé ung katou-touan makaz ing kauré-uré.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.