Ibrani 9:19 - Taaz Weru Witu u Nunuwu'en Tombulu

¹⁹ Pahpaan i si Musa nimapata'u péléng un ukum Torat wia sé tou Israel, ni sia é niméndomé un zaha' ni sapi oki' wo un zaha' ni kambing tuama u sinembor karia un zano, an ipahpikpika witu um pinantikan ung kitap Torat wo wia sé tou Israel, nimaké um wuuk rangdang ni domba wo u hisop,

Ibrani 9:19 Iomraidhean Croise

Matius 27:28

Ni séra é nimukala ung karai ni Yesus ang karaian nérala ung karai tonton monong.

Markus 15:17

A ni Sia karaian nérala ung karai tonton monong, ni séra mayamla um poporongen um panga rintek menulah am wangunen, an iporong nérala wia ni Sia.

Markus 15:20

Kumawusa Sia im penéro-néro'an néra, am wuka nérala ung karai tonton monong kinarai-Na, ang karaian nérala sumaup ung karai-Na. A Sia iondol néramé i masalipen.

Yohanes 19:2

Sé suraro mayamla um poporongen um panga rintek menulah am wangunen, an iporong nérala wia ni Sia. Ni Sia éng kinaraian nérala ung karai tonton monong.

Yohanes 19:5

A mondolé si Yesus, nimaké poporongen ni kolano um panga rintek menulah am wangunen, wo ung karai tonton monong. A si Pilatus kumuama wia ni séra, “Ilekenoma si tou itii!”

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 10:4

Pahpaan zéi'kan mamuali un zaha' ni sapi tuama wo un zaha' ni kambing tuama in zuméi' a singkéla' né tou.

Ibrani 12:24

Ni kamu kasii mahilekan karia ni Yesus Kristus si nimahalimé un taaz weru u niénéan ni Opo Empung wo karia un zaha'-Na u nimangun sé tou nimaweresi, taka-takazan si Opo Empung niméhé ampungan wana a singkéla' né tou. Niitumo, un zaha' ni Yesus é lumouspé'mé ung kawangunan un zaha' ni Habel. Pahpaan un zaha' ni Habel é méisaroi pahpaan un téutéu.

Ibrani 9:12

Ni Sia é nimuntepo witi Tampa Totoz Lenas, makasa uman makaz ing kauré-uré. Ni Sia i nimuntep witu én zéi'kan nimahalima un zaha' ni kambing tuama wo un zaha' ni sapi oki', taan ni Sia nimuntep witu nimahalima un zaha'-Na in esa. Karia in téntu, méipilot-Na kita im witu un ukuman wana a singkéla'ta makaz ing kauré-uré.

Ibrani 9:13

Kata'uantamo mengiit un ukum Torat, un zaha' ni kambing tuama wo un zaha' ni sapi tuama wo un awu ni sapi oki' si lina'ung én ipahpikpika witu un awak né tou sé makati'tiren mengiit un ukum Torat im puuna, wo un awak néra maweresi, taan zéi'kan meresima un até néra,

Ibrani 9:18

Niitumo, um pinataazan ni Opo Empung karia né tou Israel ing kataré é léwo'zéi' im wéwéhan un zaha' né tatamun u méikasaroi, taré niitu toro pakén.

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.