Ibrani 9:10 - Taaz Weru Witu u Nunuwu'en Tombulu

¹⁰ Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

Ibrani 9:10 Iomraidhean Croise

Markus 7:4

Téntu kangkasii sa séra mawurimé im witi pasar, ni séra én zéi'kampé' kuman sa zéi'kampé' limelé' mengiit ung kinanaram néra. Lakezpé' kasii ang kinanaram walina a méituzu' né nimaopo néra am pahkiiten néra, tanu a mahwo'as am pengengelepan, an tampayang wo am pakakas tambaga am wangunen.

Galatia 4:9

In tarékan ni kamu é mata'umo si Opo Empung, lumouspé'mé niitu si Opo Empung é mata'umo ni kamu. Kaa kamu mawuri uman taré wana an tinotoz an zéi'kan enté' wo zéi'kan siapa apa in iwéhé wo nimayo kasii un tou niou im pahata-atan an tinotoz itii?

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 2:15

Pahpaan, karia ni Sia nimaté witu u salip, ni Sia nimangun un ukum Torat karia péléng an tinotoz wo am perénta witu zinéi'mo. Wo sé tou Yahudi karia né tou zéi'kan Yahudi maéndo tou wineru sé nimaesa im wia si Kristus wo karia um patéan-Na itii, si Kristus nimangun ni séra toro mahlé'o-lé'osan.

Kolose 2:16

Niitumo, tia' ipahwaya niou sé tou walina i mapahsasala' ni kamu tumoro um pahkanen wo um pahelepen niou, kaapa tumoro an endo wangko' pahlé'osen né tou Yahudi sekez in ta'un, kaapa am pahlé'osen sekez i loloho'en weru, kaapa kangkasii tumoro un endo Sabat né tou Yahudi,

Ibrani 10:22

Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Ibrani 2:5

Sé malaekat én zéi'kan makailek ung kawasa ni Opo Empung i merénta ung kaayahan weru u mawia in tumondong um wangunen ni Opo Empung, um pahkuantala kenu.

Ibrani 6:2

Téntu kangkasii ni kita é léwo'zéi' i méramé im wana an tutuzu' kataré-taré a nimaéndo to'tolan tumoro u mahsarani, u mezezeta' u lengen i méhé ung kamang wia sé tou, sé nimaté in itou sumaup ni Opo Empung wo tumoro un ukuman makaz ing kauré-uré.

Ibrani 6:5

Ni séra kangkasii é nimé'annomé u lé'osna u Nuwu' ni Opo Empung wo nimé'annomé ang kawasa-Na, a mamualimokan i nimawerumoma ung kaayahan,

Ibrani 7:12

Pahpaan sa si Walian Wangko' én zéi'kan wia sé suzu ni Lewi a méyé, tantumo un ukum Torat kangkasii é sawelan.

Ibrani 7:16

Ni Sia é nimaéndo Walian Wangko' zéi'kan mengiit an tinotoz tumoro sé suzu né tou taan mengiit ung kawasa menou-nou un zéi'kan lamaléwo'.

Ibrani 9:1

Witu um pinataazan kataré, wéwéhan an tinotoz i mahragés wia si Opo Empung wo an tinotoz witu un untep un ténda ni Opo Empung um winangun wia ung kaayahan kenu.