Ibrani 8:4 - Taaz Weru Witu u Nunuwu'en Tombulu

⁴ Sa si Yesus memia-miapé' wia ung kaayahan kenu, ni Sia én zéi'kan maéndo walian, pahpaan wia ung kaayahan kenu ém wéwéhan sé tinotozo i maéndo walian i mahali a raragés, mengiit un ukum Torat.

Ibrani 8:4 Iomraidhean Croise

Ibrani 10:11

Sekez in endo péléng sé walian é mahpaayang am paayangen néra wo menau-naup mahkeriz sé tatamun sé masuat in iragés. Taan un ipahragés néra én zéi'kan mamuali in zuméi' a singkéla'.

Ibrani 11:4

Pahpaan i ma'éman, si Habel niméhé u raragés wia si Opo Empung u lumouspé'mé ung kawangunan u méiragés ni Kain. Karia in téntu si Opo Empung kimua ni sia én ulit pahpaan u méiragésna én ikapaaz ni Opo Empung. Niitumo, zozo' nimatémoma taan ni sia én toro maéndo kékéréanta tumoro um pa'émanenna.

Ibrani 5:1

Péléng sé Walian Wangko' ém pinéléng im wia sé tou i sumawel sé tou lakez, mapaayo péléng an ipapaayo néra wia si Opo Empung wo maayang i méhé a raragés wo mahali sé tatamun sé kinerizo, sé iragés né tou wia si Opo Empung i mahaléi ampungan wana a singkéla'.

Ibrani 7:27

Ni Sia én zéi'kan tanu sé walian wangko' walina sé sekez in endo é mengangali sé tatamun kinerizo in iragés in zuméi' a singkéla' néra in esa wo taré mangun un téntu in zuméi' a singkéla' né tou. Pahpaan, niitu ém winangun-Namomé makasa uman makaz ing kauré-uré, i ni Sia nimayo un tou-Na in esa i maéndo raragés in zuméi' a singkéla' né tou.

Ibrani 8:3

Péléng sé Walian Wangko' én tinotozo i mengangali sé tatamun kinerizo wo mahwéhé a raragés wia si Opo Empung. Niitumo, si Yesus, si Walian Wangko'ta é léwo'zéi' im wéwéhan un iragés-Na.

Ibrani 9:9

Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.