Ibrani 8:13 - Taaz Weru Witu u Nunuwu'en Tombulu

¹³ I si Opo Empung mahkua tumoro um pinataazan weru, ni Sia nimangun um pinataazan puuna én tewuhmo. Wo apa un tu'amo wo tewuhmo é mamomazéi'.

Ibrani 8:13 Iomraidhean Croise

Matius 24:35

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Lukas 22:20

Téntu kangkasii um winangun-Na i nimakaapumola. Ni Sia niméndomé um pengengelepan tinahu'an un anggor ang kumua, “Um pengengelepan kenu ém pinataazan weru ni Opo Empung u nienté' karia un zaha'-Ku, un isaroi wia ni kamu.

1 Korintus 13:8

U rumaraaté itii én zéi'kan mazéi'. Taan un tatambér u makawawa i mahkua wia sé tou a méikuamé ni Opo Empung é mazéi'. Téntu kangkasii un tatambér u makawawa i mahnuwu' karia a nunuwu'en un akaz uman si Roh Lenas si mata'u ung kalakoan niitu é mazéi'. Wo un tatambér i lakez ang kata'uan é mazéi'.

2 Korintus 3:6

Ni Sia si nimangun ni kai makawawa i maéndo tou maayang a méiatu-Na i mahwoka' um pinataazan weru wia sé tou. Um pinataazan weru itii ém pahpaayangen ni Roh Lenas. Um pinataazan weru itii én zéi'kan am pinantik witu ung kitap Torat. Pahpaan a méipantik witu ung kitap Torat é mahwali sé tou witu um patéan, taan si Roh Lenas é mahwali ni kita witu ung katou-touan.

2 Korintus 5:17

Niitumo, séi uman si mahkiit si Kristus, ni sia ém winerumo. Ung katou-touanna én zéi'mo tanu im puuna in zéi'kampé' mahkiit si Kristus. Taan ung katou-touanna ém werumo, un uré é nimazéi'moma wo um weru ém wiamo.

Ibrani 1:11

U langit wo ung kaayahan é mazéi' wo péléng niitu é matewu tanu ung karai, taan ni Ko é memia-mia makaz ing kauré-uré;

Ibrani 12:24

Ni kamu kasii mahilekan karia ni Yesus Kristus si nimahalimé un taaz weru u niénéan ni Opo Empung wo karia un zaha'-Na u nimangun sé tou nimaweresi, taka-takazan si Opo Empung niméhé ampungan wana a singkéla' né tou. Niitumo, un zaha' ni Yesus é lumouspé'mé ung kawangunan un zaha' ni Habel. Pahpaan un zaha' ni Habel é méisaroi pahpaan un téutéu.

Ibrani 7:22

Niitumo, im witu un tiwa' ni Opo Empung, uli-ulit toro kata'uanta i si Yesus é nimenté' un taaz ni Opo Empung wia ni kita wo un taaz itii é lumouspé'mé un taaz winangun ni Opo Empung karia né nimaopo né tou Israel.

Ibrani 8:6

Taan in tarékan si Yesus ém winéhan um paayangen u lumouspé'mé um paayangen né walian wia ung kaayahan. Pahpaan ni Sia si nimahalimé um pinataazan niénéan ni Opo Empung u lumouspé'mé ung kawangunan um pinataazan méiwéhé wia si Musa im puuna.

Ibrani 8:8

Taan si Opo Empung é nimileko ang kasumalaan né tou Israel a Sia kumua, “Uli-ulit ikua-Kuma! Un orasna é méyé, ni Aku é mangun um pinataazan weru karia né tou Israel wo né tou Yehuda.

Ibrani 9:15

Pahpaano niitu, si Kristus nimahalimé um pinataazan weru niénéan ni Opo Empung wia sé tou. Karia in téntu, péléng sé tinawah ni Opo Empung é makailek ung kamang zéi'kan mahléwo-léwo'la makaz ing kauré-uré u méitaaz-Na, pahpaan si Kristus nimatémo i maér sé tou im witu un ukuman patéan pahpaan péléng a singkéla' néra, i ni séra mahkiitpé' um pinataazan kataré.