Ibrani 8:11 - Taaz Weru Witu u Nunuwu'en Tombulu

¹¹ Ni séra én zéi'mo pandung i mahtuzu' sé kawanua néra, kaapa sé katuari néra ing kumua: Mata'ula si Opo Empung! Pahpaan ni séra péléng, in tou kanaramen kaapa in tou pahsigi-sigi'en é lamata'u ni Aku.

Ibrani 8:11 Iomraidhean Croise

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Kisah Rasul-rasul 8:10

Péleng sé tou, sé ipahpuu-puuna kaapa zéi'kan, mahkii-kiit ni sia wo mahkua, “Si tou kenu ém wéwéhan ung kawasa ni Opo Empung, um pahkuan ing Kawasa Wangko'.”

1 Yohanes 2:27

Taan ni kamu ém winéhano ni Yesus Kristus si Roh Lenas ing kumawasa wia ni kamu. Pahpaan si Roh Lenas wiapé' ni kamu, niitumo ni kamu én zéi'mo memandung sé tou walina in tumuzu' ni kamu. Pahpaan si Roh Lenas én timuzu'mo ni kamu tumoro péléng am péléng, wo péléng a méituzu'-Na itii én ulit, zéi'kan towo. Niitumo ni kamu sé im puuna én tinuzu'mo ni Roh Lenas é léwo'zéi' i menou-nou mahkiit um paaz ni Yesus Kristus.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.