Ibrani 7:6 - Taaz Weru Witu u Nunuwu'en Tombulu

⁶ Si Melkisedek én zéi'kan suzu ni Lewi taan ni sia é makailek u sana pahpulu' im wana ang kinahaté ni Abraham wo ni sia kasii si kimamang si Abraham zozo' si Abraham nimakaileko un taaz ni Opo Empung.

Ibrani 7:6 Iomraidhean Croise

Kisah Rasul-rasul 3:25

Ni kamu é makailek a méitaaz ni Opo Empung a méikua-Na mengiité sé nabi-Na. Wo kasii um pinataazan winangun ni Opo Empung karia né nimaopo niou é makailekan niou. Um pinataazan itii ém winangun ni Opo Empung i ni Sia kimua wia si Abraham, ‘Péléng sé tahsasana wanua wia ung kaayahan éng kamangen mengiité si suzumu.’

Roma 4:13

Si Opo Empung é niméhé un taaz wia si Abraham karia né suzuna i ni séra é makailek ung kaayahan. Ni Sia én timaaza un téntu, zéi'kan pahpaan si Abraham mahkiit un ukum Torat, taan niéndo ulit pahpaan um pa'émanenna wia si Opo Empung.

Roma 9:4

Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

Galatia 3:16

Péléng an taaz itii é méikuamo wia si Abraham wo wia si suzuna. Si Opo Empung ing kimua un taaz itii én zéi'kan kimua “wia sé suzuna”, pahpaan sa méikua “wia sé suzuna” ung kalakoana é lakez sé makailek un taaz itii, taan si Opo Empung éng kimua “wia si suzumu”, ung kalakoana én esa uman si makailek un taaz itii, ni siamo si Kristus.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 11:17

Pahpaan i ma'éman, si Abraham im pema'wa'en ni Opo Empung é niméhé si Ishak in iragés wia ni Sia. Si Abraham si nimakailekola u méitaaz ni Opo Empung itii ém paaz i méhé si Ishak si oki'na si esa uman in iragés,

Ibrani 7:1

Si Melkisedek éng kolano witi wanua tua'na Salem wo ni sia kangkasii é walian ni Opo Empung si Totoz Rakék. Ni siamo si simungkul wo niméhé ung kamang wia si Abraham i si Abraham nimawurimé ing kimoro' kimalamé sé kolano.

Ibrani 7:7

Kata'uantamo péléng, si mahwéhé ung kamang é lumouspé'mé si winéhan ung kamang itii.