Ibrani 7:25 - Taaz Weru Witu u Nunuwu'en Tombulu

²⁵ Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Ibrani 7:25 Iomraidhean Croise

Yohanes 14:13

Wo apa uman um pahaléien niou mengiité u ngaran-Ku, niitu ém wanguneng-Ku, wo si Ama' pahloozen wo pahsigi'en mengiité si Oki'.

Yohanes 14:16

Ni Aku é mahaléi wia si Ama', wo ni Sia é méhé wia ni kamu si Menunulung walina, wo ni Sia mengari-ngaria ni kamu makaz ing kauré-uré.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Roma 5:10

I ni kita makahkoro'pé' karia ni Opo Empung, a si Oki'-Na nimaté pahpaan ni kita akaz ni kita nimawurian sumaup karia ni Opo Empung. Woopé' kasii in tarékan. Sa kita nimawuriano sumaup karia ni Opo Empung, tantumo ni kita én ipiloté im witu un ukuman wana a singkéla', pahpaan ni Sia é mémoitoumé sumaup ni Opo Empung.

Roma 5:2

Ni kita sé ma'éman ém winéhan u lalan i mé'an ung kamang itambéré ni Opo Empung pahpaan si Yesus Kristus. Ung kamang kenu u nimangun ni kita menou-nou wo mahpaa-paaz pahpaan mahéré'la i makailek u sigi' wo looz ni Opo Empung.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

Efesus 2:18

Pahpaan mengiité si Kristus, kita in tou Yahudi karia né tou zéi'kan Yahudi, winukaan lalan i rumété wia si Opo Empung si Ama' karia in tinulung ni Roh Lenas si esa uman.

Efesus 3:12

Pahpaan ni kita nimaesamo karia ni Kristus wo kita ma'émano wia ni Sia, niitumo ni kita ém wéwéhano lalan i rumété wia si Opo Empung wo zéi'mo maindé' i rumété wia ni Sia.

Efesus 3:20

Karia ung kawasa-Na un uli-ulit mahpaayang witu un touta, si Opo Empung én toro mangun totoz lumakezpé'mé am pahaléienta wo ang ginenangta.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

1 Timutius 2:5

Pahpaan si Opo Empung én esa uman. Wo esa uman si nimangun sé tou mawurian sumaup karia ni Opo Empung, ni Siamo si Kristus Yesus si tou uman.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 13:15

Mengiité si Yesus kita mahlooz si Opo Empung. Niitumo, méyémo kita kumua u makasé wia si Opo Empung wo u loloozta itii é maéndo tanu u raragésta wia si Opo Empung. Si Opo Empung én totoz paaz a raragés tanu niitu.

Ibrani 2:18

Pahpaan ni Sia in esa é nimazézéhamo i ni Sia pema'wa'en, niitumo ni Sia é makawawa in tumulung ni séra sé wana am pema'wa'en.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

Ibrani 5:7

Si Yesus i menou-noupé' wia ung kaayahan kenu, karia i mahkérét wo pahlué'an, ni Sia mengaléi wia si Opo Empung pahpaan si Opo Empung uman si makawawa i milot ni Sia im witu um patéan. Pahpaan ni Sia mahtali-talinga si Opo Empung, um pengaléien-Na én tinalinga ni Opo Empung.

Ibrani 7:16

Ni Sia é nimaéndo Walian Wangko' zéi'kan mengiit an tinotoz tumoro sé suzu né tou taan mengiit ung kawasa menou-nou un zéi'kan lamaléwo'.

Ibrani 7:19

Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.

Ibrani 7:24

Taan si Yesus Kristus é menou-nou makaz ing kauré-uré. Ni Sia én zéi'kan pahsawe-sawelala im walian.

Ibrani 7:8

Sé suzu ni Lewi sé winéhan paayangen i maéndo walian sé makailek u sana pahpulu' um pahkailekané né tou Israel, ni séra én tou uman sé lamaté. Taan, tanu u méipantik witu um Pinantik Lenas, si Melkisedek si nimakailek sana pahpulu' wana ang kinahaté ni Abraham, ni sia é menou-nou makaz ing kauré-uré.

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.