Ibrani 7:19 - Taaz Weru Witu u Nunuwu'en Tombulu

¹⁹ Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.

Ibrani 7:19 Iomraidhean Croise

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Kisah Rasul-rasul 13:39

Niitumo séi uman si ma'éman wia si Yesus, ni sia é niéndo ulit.

Roma 5:2

Ni kita sé ma'éman ém winéhan u lalan i mé'an ung kamang itambéré ni Opo Empung pahpaan si Yesus Kristus. Ung kamang kenu u nimangun ni kita menou-nou wo mahpaa-paaz pahpaan mahéré'la i makailek u sigi' wo looz ni Opo Empung.

Roma 7:7

Sa téntu, apapé' un ikuakuma? Singkéla' wé un ukum Torat? Zéi'kan! Taan pahpaan un ukum Torat itii ni aku toro mata'u u singkéla'. Pahpaan ni aku kangkasii zéi'kan mata'u apa u lelo i mangun a léwo'an sa zéi'kan méipantik witu ung kitap Torat, “Tia' lumelo an anu né tou walina!”

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

Galatia 2:16

Kata'uan naimo in zéi'kan siapa tou zozo' in esa si niéndo ulit ni Opo Empung pahpaan mahkiit un ukum Torat. Taan sé niéndo ulit ni Opo Empung é sé ma'éman si Kristus Yesus. Pahpaano niitu, ni kai kangkasii é ma'émano wia si Kristus Yesus, wo ni kai én éndon ulit ni Opo Empung mengiité um pa'émanen nai wia si Kristus Yesus, zéi'kan mengiit un ukum Torat. Pahpaan: “Zéi'kan siapa tou sé niéndo ulit ni Opo Empung pahpaan mahkiit un ukum Torat.”

Galatia 3:21

Sa téntu, apa un ukum Torat u méiwéhé ni Opo Empung é nimatamburian karia an taaz-Na? Zéi'kan téntu. Pahpaan sa un ukum Torat é méiwéhé ni Opo Empung i méhé ung katou-touan makaz ing kauré-uré, tantumo sé tou niéndo ulit im witu u sinaru ni Opo Empung pahpaan mahkiit un ukum Torat.

Galatia 3:24

Niitumo, un ukum Torat én tanu si tou mahtéiz ni kita makaz si Kristus méyé, wo ni kita sé ma'éman wia ni Sia én éndon ulit ni Opo Empung.

Efesus 3:12

Pahpaan ni kita nimaesamo karia ni Kristus wo kita ma'émano wia ni Sia, niitumo ni kita ém wéwéhano lalan i rumété wia si Opo Empung wo zéi'mo maindé' i rumété wia ni Sia.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

Ibrani 10:1

A méipantik witu un ukum Torat én tanumokan um wangun u mahéyé taan zéi'kan totoz masuat karia un ulitna um wangun itii. Sa ikiit un ukum Torat, sekez in ta'un, sé tou paaz marumété wia si Opo Empung é léwo'zéi' i mahalima sé tatamun kinerizo in iragés, taan un ukum Torat itii én zéi'kan mamuali i mangun sé tou maéndo zéi'kan siapa pahséro'an.

Ibrani 11:40

Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 3:6

Taan si Kristus in Oki' ni Opo Empung é si mahwangun a méiatu ni Opo Empung im witu um walé-Na wo ni kitamo um walé-Na itii, sa kita zéi'kan mazéi' in totoz ma'éman wo niméré' uman un iwéhémé ni Opo Empung u mangun ni kita i mahpaa-paaz.

Ibrani 4:16

Niitumo, tia'mo kita maindé' i rumété wia si Opo Empung si rimumez witu u rurumezan-Na ing Kolano. Pahpaan i ni kita mangé witu u sinaru-Na, si Opo Empung é rumaraaté ni kita, zéi'kan mengiit un zéi'kan enté' wia ni kita, taan mengiit ung kalé'osan-Na. Si Opo Empung én tumambéré ang kamang wo menté' ni kita, wo kita tulungen-Na witu un oras ni kita i mekitulung.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

Ibrani 7:11

I si Opo Empung niméhé un ukum Torat wia sé tou Israel, ni Sia kangkasii é niméléng sé suzu ni Lewi i maéndo walian i mahkit sé tou Israel mangun un ukum Torat itii. Taan um pahpaayangen néra itii én zéi'kan nimangun sé tou i lekep witu u sinaru ni Opo Empung. Pahpaano niitu, léwo'zéi' wéwéhan si Walian Wangko' walina si zéi'kan suzu ni Harun taan si mengiit ung katou-touan wo um pakahpaayang ni Melkisedek.

Ibrani 7:20

Karia in timiwa', si Opo Empung timotoz si Yesus Kristus i maéndo walian. Taan sé walian walina én tinotoz zéi'kan karia un tiwa' ni Opo Empung.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Ibrani 8:6

Taan in tarékan si Yesus ém winéhan um paayangen u lumouspé'mé um paayangen né walian wia ung kaayahan. Pahpaan ni Sia si nimahalimé um pinataazan niénéan ni Opo Empung u lumouspé'mé ung kawangunan um pinataazan méiwéhé wia si Musa im puuna.

Ibrani 9:9

Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.

Yakobus 4:8

Rumétéla wia si Opo Empung, ni Sia kangkasii é rumété wia ni kamu. Weresila u lengen niou, é kamu in tou mahsingkéla', wo weresila un até niou, é kamu sé mahzua-zua genang!