Ibrani 7:12 - Taaz Weru Witu u Nunuwu'en Tombulu

¹² Pahpaan sa si Walian Wangko' én zéi'kan wia sé suzu ni Lewi a méyé, tantumo un ukum Torat kangkasii é sawelan.

Ibrani 7:12 Iomraidhean Croise

Ibrani 7:11

I si Opo Empung niméhé un ukum Torat wia sé tou Israel, ni Sia kangkasii é niméléng sé suzu ni Lewi i maéndo walian i mahkit sé tou Israel mangun un ukum Torat itii. Taan um pahpaayangen néra itii én zéi'kan nimangun sé tou i lekep witu u sinaru ni Opo Empung. Pahpaano niitu, léwo'zéi' wéwéhan si Walian Wangko' walina si zéi'kan suzu ni Harun taan si mengiit ung katou-touan wo um pakahpaayang ni Melkisedek.

Ibrani 7:13

Si Walian Wangko' pahnuwu'entala kenu én zéi'kan wia sé suzu ni Lewi a méyé. Ni sia ém wia sé suzu né walina a méyé wo zéi'kan siapa im wia ni séra si winéhan um paayangen im witi pahtunuan a raragés.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.