Ibrani 7:1 - Taaz Weru Witu u Nunuwu'en Tombulu

¹ Si Melkisedek éng kolano witi wanua tua'na Salem wo ni sia kangkasii é walian ni Opo Empung si Totoz Rakék. Ni siamo si simungkul wo niméhé ung kamang wia si Abraham i si Abraham nimawurimé ing kimoro' kimalamé sé kolano.

Ibrani 7:1 Iomraidhean Croise

Markus 5:7

A si tou itii kumérété, “É Yesus, Oki' ni Opo Empung si Totoz Rakék! Apa um pemandungen-Nu wia ni aku? Karia u ngaran ni Opo Empung, pahaléiengku, tia' pahzézéhan aku!”

Kisah Rasul-rasul 16:17

Ni sia mahipusé wia si Paulus wo ni kai karia i mahkérét, “Sé tou kenumo sé ata ni Opo Empung Si Totoz Rakék. Ni séra é mahwoka' wia ni kita kura wo toro ipilot im witu un ukuman wana a singkéla'.”

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

Ibrani 7:2

Wia ni siamo kasii si Abraham niméhé u sana pahpulu' im wana péléng ang kinahatnamé i nimahkoro'mé. U ngaran Melkisedek ung kalakoana éng “Kolano si zéi'kan mahsanaweka”, wo ni sia kasii éng kolano witi wanua tua'na Salem, ung kalakoana éng kolano si paaz u mahlé'o-lé'osan.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

Ibrani 7:6

Si Melkisedek én zéi'kan suzu ni Lewi taan ni sia é makailek u sana pahpulu' im wana ang kinahaté ni Abraham wo ni sia kasii si kimamang si Abraham zozo' si Abraham nimakaileko un taaz ni Opo Empung.