Ibrani 6:9 - Taaz Weru Witu u Nunuwu'en Tombulu

⁹ Katuari-katuari ikararaatéku, zozo' in téntu un ipahkua naima tumoro ni kamu, taan totoz ing kata'uan nai i ni kamu én zéi'kan tanu un tana' winéhan ni Opo Empung un epa'. Kata'uan nai ni kamu é makailek a lumouspé'mé ung kawangunan niitu. Niitu éng kamang kailekan né tou méipiloté im witu un ukuman wana a singkéla'.

Ibrani 6:9 Iomraidhean Croise

Markus 16:16

Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

1 Korintus 10:14

Pahpaano niitu, katuari-katuari ikararaatéku, tia' kamu mahongkot wia sé opo-opo!

2 Korintus 12:19

Kaa kamu ém woo mahgenangla péléng am pinantik nai kenu é mahuulit un tou nai? Zéi'kan ndootuu! Katuari-katuari ikararaatéku, a mémoipahkua nai wia ni kamu én ulit im witu u sinaru ni Opo Empung. Ni kai i mahkua téntu pahpaan ni kai é mahkiit um paaz ni Yesus Kristus. Wo péléng a méipahkua nai wia ni kamu é maheenté' um pa'émanen niou.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

2 Korintus 7:10

Pahpaan u rumara un até mengiit um paaz ni Opo Empung nimangun si tou timula'u a singkéla' pahwangunenna, a sia ipiloté im witu un ukuman wana a singkéla'. U rumara un até tanu niitu én zéi'kan mangun mene'sel. Taan u rumara un até né tou zéi'kan mahkiit ung kapaaz ni Opo Empung, zéi'kan nimangun si tou itii in timula'u a singkéla' pahwangunenna, si tou itii én iwali witu um patéan makaz ing kauré-uré.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 10:39

Ni kita én zéi'kan tanu sé tou timula'umoma ni Sia wo lamaléwo', taan ni kita én tou ma'éman wo maipilot im witu un ukuman wana a singkéla'.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

1 Petrus 2:11

Katuari-katuari ikararaatéku, ni kamu én tou sé siméngkot wana am wanua né tou walina wo sé limepuh umané wia ung kaayahan. Niitumo, isésakuma wia ni kamu i zumou'la im wana a lelo léwo' un awak, u makahkoro' wo a lelo un até niou wana am wangun.

2 Petrus 3:1

Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.

1 Yohanes 2:7

Katuari-katuari ikararaatéku, um pinantikku kenu én zéi'kan perénta weru im wia ni kamu taan perénta uré um wiamo ni kamu rengané ing kataré-taré. Um perénta uré kenu é Nuwu' tinalinga niouo.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.