Ibrani 6:8 - Taaz Weru Witu u Nunuwu'en Tombulu

⁸ Taan sa un tana' itii én tinouan umané ang kuhun wo an zukut menulah, un tana' itii én zéi'kan siapa torona. Un tana' itii ém wéhan ni Opo Empung un epa' wo ing kamurian ém pakala'ungen.

Ibrani 6:8 Iomraidhean Croise

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 3:10

Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.

Matius 7:19

Péléng ang kai zéi'kan mahwua'mé wangun, niitu ém wanti'en wo ziketan.

Markus 11:14

Ang kuan-Na witu ung kai itii, “Zéi'mo siapa si mahkakanla am pahwua'mumé makaz ing kauré-uré!” Sé pahtuzu'en-Na kangkasii én timalinga u méikua-Nama itii.

Markus 11:21

A si Petrus ikagenanga u nimamuali ing kahwii, a sia kumuala wia si Yesus, “Méster, ilekena! Ung kai ara méitiwa'-Muma ém peramo.”

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Ibrani 10:27

Sa téntu, ni kita én akazokan i ma'ento' un ukuman makaindé'en wo u layasna un api totoz wuaya u luma'ung makaz i maapu péléng sé tou mahsaru si Opo Empung.

Ibrani 12:17

Kata'uan niouo u nimamuali tumondong niitu, i ni sia paazkan makailek ung kamang itii, taan si ama'na é soomo méhé niitu. Ni sia én zéi'mo winéhan témpo ni ama'na i mahwawangun ung kasumalaanna zozo' ni sia mahamé' i makailek sumaup ung kamang itii.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.