Ibrani 6:5 - Taaz Weru Witu u Nunuwu'en Tombulu

⁵ Ni séra kangkasii é nimé'annomé u lé'osna u Nuwu' ni Opo Empung wo nimé'annomé ang kawasa-Na, a mamualimokan i nimawerumoma ung kaayahan,

Ibrani 6:5 Iomraidhean Croise

Matius 12:32

Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”

Markus 6:20

pahpaan si Yohanes ém pahsigi'en ni Herodes wo kata'uanna i si Yohanes én tou ulit wo linenas ni Opo Empung, niitumo si Herodes nimatuma sé touna i matuméiz si Yohanes. Pahpaan zozo' un aténa é nimalinganga i mahtalingamé un ipahkuamé ni Yohanes, taan ni sia é mahpaa-paaz i mahtalinga un ipahkuanamé.

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Efesus 6:17

Si Opo Empung nimiloto ni kamu im witu un ukuman wana a singkéla', niitu én tanu ni kamu niméndo um porong uaséi méiwéhémé ni Opo Empung ing kumelung un ulu niou. Wo pakéla u Nuwu' ni Opo Empung tanu um pisou méiwéhémé ni Roh ni Opo Empung u nimangun ni kamu nimimeko i sumaru sé kakoro'.

Ibrani 11:3

Pahpaan i ma'éman, ni kita é makatulap ung kaayahan ém winangun mengiité u Nuwu' ni Opo Empung. Niitumo, péléng am pahilekenta ém winanguné im wana an zéi'kan kailekan.

Ibrani 2:5

Sé malaekat én zéi'kan makailek ung kawasa ni Opo Empung i merénta ung kaayahan weru u mawia in tumondong um wangunen ni Opo Empung, um pahkuantala kenu.

Ibrani 4:12

Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.

1 Petrus 1:25

taan u Nuwu' ni Opo Empung én zéi'kan mazéi' makaz ing kauré-uré.” U Nuwu' kenumo, u Nuwu' Lé'os tumoro si Yesus u mémoipapata'u wia ni kamu péléng.

1 Petrus 2:3

Niitu é mamuali sa ni kamu uli-ulit nimé'annomé u lé'os ni Opo Empung.

2 Petrus 2:20

Pahpaan i nimata'umola si Yesus Kristus é si Mahpiarata wo si nimilot ni kita im witu un ukuman wana a singkéla', niitumo ni séra é méikapilotomé im witu u lelo léwo' un awak um wia ung kaayahan kenu. Taan sa séra ikawurila sumaup i mahkiit uman u lelo léwo' un awak um wia ung kaayahan kenu, ung katou-touan néra in tarékan é luméwo'pé'mé ung katou-touan néra im puuna in zéi'kampé' mata'u si Yesus Kristus.