Ibrani 6:4 - Taaz Weru Witu u Nunuwu'en Tombulu

⁴ Pahpaan sé tou nima'émanomé wo nimé'annomé ung kamang ni Opo Empung wo sé nimakaileko ung kawasa ni Roh Lenas taan soomo ma'éman, ni séra én zéi'kan mamuali im werun sumaup.

Ibrani 6:4 Iomraidhean Croise

Matius 12:45

A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”

Matius 5:13

Kuan ni Yesus kasii, “Ni kamu én tanu un asin im wia ung kaayahan. Sa un asin itii tewango, apapé' u mangun un asin itii maasin sumaup? Un asin itii én zéi'mo siapa torona, niitu én itia'mokan wo ipeléé-léék né tou.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Yohanes 3:27

A si Yohanes Menanarani mingkotla, “Zéi'kan siapa zozo' in esa si tou toro makailek apa sa niitu zéi'kan méiwéhémé ni Opo Empung.

Yohanes 4:10

Si Yesus nimingkotla, “Sa ko mata'u tumoro an tatambér ni Opo Empung wo séi si mahnuwu'ma wia ni ko im ‘Wéhanpé'mé zano elepen Aku’, tantumo ni ko é nimahaléiola wia ni Sia wo ni Sia é niméhémola wia ni ko un zano katou-touan.”

Yohanes 6:32

Ang kuan ni Yesus wia ni séra, “Uli-ulit ikua-Kuma wia ni kamu, zéi'kan si Musa si niméhé wia ni kamu u roti witi kasendukan a méyé, taan si Ama'-Ku si niméhé wia ni kamu un uli-ulit roti witi kasendukan.

Kisah Rasul-rasul 10:45

Sé tou Yahudi sé ma'émano si Yesus sé kimiité si Petrus é mengusi-ngusingsing pahpaan ni séra nimileka si Roh Lenas é méiwéhé kangkasii wia sé tahsasana wanua walina sé zéi'kan Yahudi.

Kisah Rasul-rasul 11:17

Niitumo, sa si Opo Empung timambéré si Roh Lenas wia ni séra sé zéi'kan tou Yahudi, masuat wo si méitambér-Namé wia ni kita in taré ma'émanla wia si Yesus Kristus Mahpiara, kura kahuman ni aku i suméro' ni Sia?”

Kisah Rasul-rasul 15:8

Si Opo Empung si mata'u péléng an até né tou é nimapaileko i sé tou zéi'kan Yahudi é sinungkul-Namo. Ni Sia simungkul ni séra karia i niméhéma si Roh Lenas tanu si méiwéhé-Namé wia ni kita.

Kisah Rasul-rasul 8:20

Taan kuan ni Petrus wia ni sia, “Ikaléwo'la ni ko wo an zoitmu itii. Pahgenangenula, ni ko én toro uman tumeles un tatambér ni Opo Empung karia an zoit.

Roma 1:11

Pahpaan ni aku én totoz lumelo i mahilekan karia niou wo kamu toro wéténgangku un tatambér ni Roh ni Opo Empung um wiamo ni aku, wo um pa'émanen niou éng kaenté'na.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Galatia 3:2

Amoké ikua nioué wia ni aku: Apa ni kamu é makailek si Roh ni Opo Empung pahpaan mahkiit un ukum Torat kaapa pahpaan ma'éman u Nuwu' Lé'os tumoro si Yesus méipahwoka'ku?

Galatia 3:5

Si Opo Empung é niméhémo si Roh-Na wia ni kamu wo nimanguno a makakompo'en wia ni kamu. Apa ni kamu é makailek si Roh ni Opo Empung pahpaan mahkiit un ukum Torat kaapa pahpaan ma'éman u Nuwu' Lé'os tumoro si Yesus méipahwoka'ku?

Efesus 1:18

Ni aku kasii é mengaléi wia si Opo Empung, wo ung genang niou é mawuka wo toro makatulap um pahéré'an niou wia si Opo Empung si timawah ni kamu. Wo ni kamu kangkasii én toro mata'u kalakez ung kamang totoz wangun u niimeko ni Opo Empung wia sé tou linenas-Na,

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

Efesus 3:7

Ung kenumo u Nuwu' Lé'os un iwoka'ku wia ni kamu. Si Opo Empung timambér ung kamang wia ni aku i ni aku mahwoka' u Nuwu' Lé'os itii. Ung kamang itii éng kinailekangku mengiité ung kawasa-Na u mahpaayang witu un atéku.

Efesus 4:7

Taan im wia ni kita si esa wo si esa é makailek ung kamang tatambér mengiit um paaz ni Kristus.

1 Timutius 4:14

Tia' kaliu-liuzannu i maké an tatambér méiwéhémo ni Roh Lenas wia ni ko mengiité u méikua ni Opo Empung wia sé penatua, i ni séra zimeta'ma a lengen néra wia ni ko.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

2 Timutius 4:14

Si Aleksander, si memamaayang an tambaga itii é nimangunola an totoz léwo' wia ni aku. Taan si Opo Empungokan si maér wia ni sia mengiit am pinahwangunnamé wia ni aku.

Ibrani 10:32

Taan gena-genangen kura ni kamu im puuna i ni kamu taré ma'émanla wia si Yesus. In toro niitu, lakez an zézéha pinendan nioué, taan ni kamu uli-ulit enté' im wana an zézéha.

Ibrani 2:4

Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.

1 Yohanes 5:16

Sa wéwéhan si tou milekla si katuarina esa pa'émanen mangunla a singkéla' an zéi'kan mangun ni sia i makailek um patéan, ni sia é léwo'zéi' in ipengaléi nioula wia si Opo Empung. Si Opo Empung é méhé ung katou-touan wia si tou si nimangunla a singkéla' itii. Niia kangkasii én tumoro sé tou nimangunla a singkéla' an zéi'kan nimangun ni séra i nimakailek um patéan. Taan wéwéhan u singkéla' u nimangun si tou i nimakailek um patéan. Tumoro niitu, ni aku én zéi'kan kumuama i ni sia é léwo'zéi' in ipengaléi nioula.