Ibrani 6:2 - Taaz Weru Witu u Nunuwu'en Tombulu

² Téntu kangkasii ni kita é léwo'zéi' i méramé im wana an tutuzu' kataré-taré a nimaéndo to'tolan tumoro u mahsarani, u mezezeta' u lengen i méhé ung kamang wia sé tou, sé nimaté in itou sumaup ni Opo Empung wo tumoro un ukuman makaz ing kauré-uré.

Ibrani 6:2 Iomraidhean Croise

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Matius 3:14

Taan si Yohanes é soo i sumarani si Yesus, kuana, “Un ulitna, ni aku si léwo'zéi' i sarani-Nu, taan ni Ko é niméyé uman taré wia ni aku.”

Markus 16:16

Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen.

Markus 7:4

Téntu kangkasii sa séra mawurimé im witi pasar, ni séra én zéi'kampé' kuman sa zéi'kampé' limelé' mengiit ung kinanaram néra. Lakezpé' kasii ang kinanaram walina a méituzu' né nimaopo néra am pahkiiten néra, tanu a mahwo'as am pengengelepan, an tampayang wo am pakakas tambaga am wangunen.

Markus 7:8

Am perénta ni Opo Empung én zéi'kan pandungen niou, taan ang kinanaram né tou én totoz pahkiiten niou.”

Lukas 11:38

Si tou itii é mengusi-ngusingsing i nimilekla si Yesus én zéi'kan zimano puunala ing kiman.

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 14:14

Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”

Lukas 3:16

A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Yohanes 1:33

Wo ni aku in esa im puuna én zéi'kan mata'u ni Sia, taan si Opo Empung si nimatumé ni aku i mahsarani karia un zano éng kimuamo wia ni aku, ‘Sa ko milek si Roh itii timumpama wia si tou wo mento'la wia ni Sia, ni Siamo si mésumarani karia si Roh Lenas.’

Yohanes 5:29

Wo ni séra é mondol im witu um woso linewengan ni séra. Sé tou nimangunomé a lé'os é matou sumaup i makailek ung katou-touan makaz ing kauré-uré, taan sé nimangunomé a léwo'an é matou sumaup i makailek un ukuman.

Kisah Rasul-rasul 10:47

“Pina'ilek niouoma in esa! Ni séra é nimakaileko si Roh Lenas masuat wo si kinailekanta. Niitumo in tarékan, apa ni séra zéi'kan mata'u saranin karia un zano?”

Kisah Rasul-rasul 13:3

Kumawusa ni séra i mahpuasa wo mahmengaléi, séra zumeta'la u lengen wia ni séra zua, a séra zua iatu nérama i mangé.

Kisah Rasul-rasul 16:15

Si wéwéné itii wo sé sana awuna é sinaranila. A sia tumawahmé ni kai, kuana, “Sa pahgenangen nioula ni aku én uli-ulit ma'éman wia si Mahpiara, méyémo mamento' witi waléku.” Ni sia én totoz menutu' ni kai makaz ung kapaazna kiniitan naila.

Kisah Rasul-rasul 16:33

Im wengi uré itiikan, si tonaas né menénéiz um bui itii nimahwalima ni séra zua am péhé'annala am péla' néra. In toro niitukan, si tonaas itii wo sé sana awuna niméhéla un tou néra i sinarani.

Kisah Rasul-rasul 17:18

Wo wéwéhan kasii sé woopira méster an tutuzu' Epikuros wo an tutuzu' Stoa mahzéi'-zéi'an kariana. Wéwéhan sé mahkua, “Apa un ipahkukua ni wayaan uman kanuwu'an kenu?” Taan sé walina kasii é mahkua, “An ipahkua ni tou kenu én tumoro sé opo-opo zéi'kan kata'uan.” Ni séra mahkua in téntu pahpaan ni sia é mahwoka' u Nuwu' Lé'os tumoro si Yesus, wo tumoro si Yesus i méitoumé sumaup ni Opo Empung im wia sé nimaté.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 24:15

Ni aku kasii én tanu ni séra i mahéré' uman wia si Opo Empung in tumou sumaup péléng sé tou nimaté, ni séra in tou ulit kaapa zéi'kan.

Kisah Rasul-rasul 24:21

Kaapa ni aku ém pahgenangen nérala i simala' pahpaan in toro niitu ni aku éng kiméréta in téntii, ‘Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.’ ”

Kisah Rasul-rasul 24:25

Taan i si Paulus mahkua tumoro kura i menou-nou ulit witu u sinaru ni Opo Empung, kura i mahimek un tou im wana a léwo'an, wo kasii tumoro un endo in tumondong i si Opo Empung métumotoz ulit kaapa zéi'kan am pahwangunen né tou, si Feliks éng kinaindé'an ang kumua, “Téntupé', wo in tarékan é mangémo. Sa wéwéhano endo lé'os, ni ko én tawahengkumokané sumaup.”

Kisah Rasul-rasul 26:8

Kaa pahgenangen nioula in zéi'kan mamuali si Opo Empung in tumou sumaup sé tou nimatémo?

Kisah Rasul-rasul 4:2

Sé tou itii én totoz maupi' pahpaan si Petrus wo si Yohanes é mahtuzu' wia sé tou lakez wo mahwoka' i sé tou nimatémo én itou sumaup tanu si Yesus i méitoumé sumaup ni Opo Empung.

Kisah Rasul-rasul 6:6

Sé pitu tou itii é méisaru nérala wia sé aatu ni Yesus. A sé aatu itii zumeta'la u lengen néra witu um wawo né pitu tou itii a mengaléi wia si Opo Empung.

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

1 Korintus 10:2

Ni séra é sinarani witu u ninahak wo witu un tasik a maéndo mahkii-kiit si Musa.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Kolose 2:12

Pahpaan i ni kamu sinarani, a singkéla' niou én tanu mémoileweng karia ni Kristus; wo karia i sinarani kangkasii ni kamu é mémoitoumé sumaup wo nimakailek ung katou-touan weru mahwali-wali karia ni Kristus, pahpaan ni kamu é ma'éman ung kawasa ni Opo Empung si timoumé sumaup si Kristus im wia sé nimaté.

2 Timutius 2:18

An tutuzu' kaulitan ém pahséa' néramo. Ni séra é mahtuzu' i sé tou nimatémo é méitoumomé sumaup ni Opo Empung. Karia in téntu, an tutuzu' néra itii é mahkayo' um pa'émanen né tou walina.

Ibrani 11:35

Pahpaan i ma'éman, sé woopira wéwéné é nimakailek sumaup sé tou ikararaaté néra sé nimatémo pahpaan méitou sumaup ni Opo Empung im wia sé nimaté. Taan wéwéhan kasii sé pahpaan i ma'éman, nimazézéha makaz nimaté pahpaan ni séra soo ipilot sa totoz kumana' i ma'éman wia si Opo Empung. Wo in tumondong i ni séra itou sumaup ni Opo Empung é makailek ung katou-touan lumouspé'mé ung kawangunan ung katou-touan im puuna.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

2 Petrus 3:7

Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.