Ibrani 6:17 - Taaz Weru Witu u Nunuwu'en Tombulu

¹⁷ Niitumo, si Opo Empung én timiwa' i menté' un taaz-Na. Kapaaz-Na sé tou sé lamakailek un taaz-Na én uli-ulit mata'u i si Opo Empung é mangun a méitaaz-Na.

Ibrani 6:17 Iomraidhean Croise

Yohanes 10:10

Si maremu' é méyé uman i rumemu', munu' wo méluméwo'. Taan ni Aku é niméyé, wo sé tou makailek ung katou-touan, niitumo ung katou-touan linakez ung kamang.

Roma 11:29

Pahpaan si Opo Empung én zéi'kan mamuali in zuméi' an tatambér wo an tatawah-Na.

Roma 8:17

Sa ni kita én oki'-Na, ni kita kangkasii é maéndo tou makasangkum a méitaaz ni Opo Empung. Ni kita é makailek a sangkum itii karia ni Kristus. Niitu éng kailekanta sa ni kita mazéha karia-Na, wo ni kita kangkasii é loozen wo sigi'en karia-Na.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 11:9

Pahpaan i ma'éman, si Abraham é mahento' witi tampa méitaaz itii in tou limepuh umané wo im witu ni sia é mahento' uman witu un ténda. Téntu kangkasii si Ishak wo si Yakub, nimakailek un taaz masuat karia u méitaaz wia si Abraham.

Ibrani 6:12

Kasoo nai ni kamu i maéndo tou sé soo kumura. Taan ikapaaz nai ni kamu menou-nou tanu sé tou nimakailek u méitaaz ni Opo Empung pahpaan ni séra é ma'éman ni Sia wo pahpaan ung kaezenan néra.

Ibrani 6:16

Sé tou i mahtiwa' éng karia u ngaran ni lumousé ni séra wo u ngaran pahpakén i mahtiwa' itii é menté' a méikuana ing kumana' am pahzéi-zéi'an.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

1 Petrus 3:7

Téntu kangkasii ni kamu in tuama makamahayo, ni kamu é léwo'zéi' i menou-nou karia im wangun wo si mahayo niou si esa wo si esa. Gena-genangen, ung ketez néra én zéi'kan masuat karia ung ketez niou. Pahsigi'ela séra pahpaan ni séra kasii nimakailek ung katou-touan u méitambéré ni Opo Empung. Pahwangunela niitu wo am pengaléien niou talingan ni Opo Empung.