Ibrani 5:14 - Taaz Weru Witu u Nunuwu'en Tombulu

¹⁴ Taan sé tou mahnanaram un tou néra i mahtotoz wisa u lé'os wo wisa u léwo', ni séra én tanu sé tou tu'amo sé mahkan ang kakanen ketéh.

Ibrani 5:14 Iomraidhean Croise

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

Efesus 1:18

Ni aku kasii é mengaléi wia si Opo Empung, wo ung genang niou é mawuka wo toro makatulap um pahéré'an niou wia si Opo Empung si timawah ni kamu. Wo ni kamu kangkasii én toro mata'u kalakez ung kamang totoz wangun u niimeko ni Opo Empung wia sé tou linenas-Na,

Efesus 4:13

akaz ni kita péléng nimaesaan pahpaan um pa'émanen wo ung kata'uanta un ulit tumoro si Oki' ni Opo Empung. Ni kita maéndo tou uli-ulit lutu'mo sé kauréna éng kalekepna masuat karia ni Kristus.

Filipi 3:15

Niitumo, ni kita sé lutu'mo um pa'émanen wia si Yesus é léwo'zéi' i mahgenangla un téntu. Taan sa wéwéhan sé gimenang walina, si Opo Empung é sumawang ni kamu i mata'u niana.

1 Tesalonika 5:21

Péléng am péleng én totoz im pahtata'ula, wo pahkiitela am wangun.

1 Timutius 4:7

Tia'mo mahrété wia sé tou sé meninirita a sirita mahlululu uman wo zéi'kan siapa torona. Taan naramela un toumu i menou-nou mahragés wia si Opo Empung.

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.