Ibrani 5:13 - Taaz Weru Witu u Nunuwu'en Tombulu

¹³ Pahpaan sé tou zéi'kampé' mata'u mahtotoz wisa un ulit wo wisa u simala', ni séra én tanu si koki' mahelepé' u susu.

Ibrani 5:13 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Markus 10:15

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Roma 2:20

mahgenang kasiila i mahtuzu' sé tou zéi'kampé' mata'u un ulit wo mahtuzu' sé tou mahasa-asarpé' sé koki', pahpaan mata'umo un ukum Torat, mahgenangla péléng ang kata'uan wo an tutuzu' kaulitan éng kata'uannumo,

1 Korintus 13:11

Ni aku ing koki'pé', um pakahnuwu'ku én tanu sé koki', um pakahpendanku tanu sé koki' wo um pakahgena-genangku én tanu sé koki'. In tarékan, ni aku én tu'amo, méitula'ukumola an tanu sé koki'.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

1 Korintus 3:1

Katuari-katuari, i makasa, ni aku i mahnuwu' wia ni kamu én zéi'kan tanu i mahnuwu' wia sé tou pahahkiten ni Roh Lenas, pahpaan ni kamu é mahkiitpé' a lelo wia ung kaayahan. Um pa'émanen niou tumoro si Kristus én tanupé' sé taré itoumé.

2 Korintus 3:9

Pahpaan, sa un ukum Torat u mahwali sé tou witu un ukuman ém wangko', tantumo um pinataazan weru u mangun sé tou nimaéndo ulit é lumouspé'mé ung kawangko'anna.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

2 Timutius 3:16

Péléng am witu um Pinantik Lenas é méituzu' ni Opo Empung. Wo am pinantik itii ém wéwéhan torona: in tumuzu', i mapata'u ang kasumalaan, i suméro' sé tou wo in tumuzu' sé tou kura i menou-nou ulit witu u sinaru ni Opo Empung.

1 Petrus 2:2

Tanumokan si taré itoumé si sekezé é mekisusu, ni kamu kangkasii é léwo'zéi' im paaz un uli-ulit Nuwu' ni Opo Empung um witi kasendukan a méyé. Pahpaan karia in téntu ni kamu é mahtou wo ipiloté im witu un ukuman wana a singkéla'.

2 Yohanes 1:11

Pahpaan séi si sumungkul ni sia, si tou itii é méikakiitola wana a léwo'an pahwangunenna.