Ibrani 5:11 - Taaz Weru Witu u Nunuwu'en Tombulu

¹¹ Totozpé' lakez un ipapata'u nai tumoro si Yesus wo si Melkisedek pahpaan ni séra zua ém Walian Wangko', taan susa i mapata'u niitu wia ni kamu pahpaan ni kamu én tahlous ngerez i makatulap niitu.

Ibrani 5:11 Iomraidhean Croise

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Markus 8:21

Ang kuan-Na wia ni séra, “Zéi'kampé' kasii makatulapla kamu?”

Lukas 24:25

Ang kuan ni Yesus wia ni séra, “É ni kamu in tou lemou, tahlous ngerez un até niou i ma'éman péléng a mémoikuamé né nabi!

Yohanes 16:12

Lakezpé' u léwo'zéi' ikua-Kuma wia ni kamu, taan in tarékan ni kamu én zéi'kampé' makawawa i makailek niitu.

Yohanes 6:6

Niitu é méikua-Na i milek um wangunen ni Filipus, pahpaan kata'uan-Namo un totoz im wangunen-Na.

Kisah Rasul-rasul 28:27

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra, wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’ ”

Ibrani 5:10

Ni Sia kangkasii én tinawah ni Opo Empung i maéndo Walian Wangko', mengiit ung katou-touan wo um pakahpaayang ni Melkisedek im puuna.

Ibrani 5:12

Un ulitna, in tarékan ni kamu én orasnamo i maéndo méster. Taan makaz in tarékan ni kamu é memandungpé' sé tou walina i mapata'u wia ni kamu an tutuzu' kataré-taré u nimaéndo to'tolan tumoro um pa'émanen niou witu u Nuwu' ni Opo Empung. Ni kamu é memandungpé' u susu, zéi'kampé' mata'u makailek ang kakanen ketéh.

2 Petrus 3:16

Si Paulus kangkasii é mahtuzu' niana wana péléng am pinantikna. Im wana am pinantikna itii ém wéwéhan an tawi zéi'kan katulapan né tou. Ung kalakoan am pinantik an tawi zéi'kan katulapan itiimo un ipahséa' né zéi'kan mata'u apa wo né zéi'kan totoz enté' um pa'émanen. Zéi'kan uman niitu, a Nuwu' ni Opo Empung walina kangkasii én ipahséa' néra. Pahpaan am pahwangunen néra itii, ni séra é maléwo'en ni Opo Empung.