Ibrani 4:15 - Taaz Weru Witu u Nunuwu'en Tombulu

¹⁵ Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.

Ibrani 4:15 Iomraidhean Croise

Matius 12:20

Um wakélna um wungana ung kuhun um peku'mo én zéi'kan repesen-Na, wo u solo mahpirpirokané én zéi'kan patén-Na. Ni Sia é mangun un zéi'kan mahsanaweka kumala u mahsanaweka.

Matius 4:1

A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang.

Lukas 22:28

Ni kamu sekezé é memali-mali karia-Ku im wana am pema'wa'en am pengaling-Ku.

Lukas 4:2

Epatna pulu' endo ni Sia im pema'wa'en ni tonaas né sétang im witu wo ni Sia kangkasii én zéi'kan mahkan. Kumawusa niitu a Sia mendané u maharem.

Yohanes 8:46

Im wia ni kamu, séi si toro tumuzu'mé i ni Aku é simingkéla'mola? Sa ni Aku mahkua ung kaulitan, kaa ni kamu zéi'kan ma'éman ni Aku?

Roma 8:3

An zéi'kan kawawaan im wangunen witu un ukum Torat pahpaan ni kita én tou zéi'kan enté' ém winanguno ni Opo Empung. Ni Sia é nimatumé si Oki'-Na in esa in tou uman tanumokan si tou simingkéla', in zuméi' a singkéla' wo méhé ukuman wana a singkéla' witu un awakta.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Ibrani 4:14

Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

Ibrani 5:2

Ni sia é makawawa karia in eluz uman in tumatér sé tou, sé zéi'kan siapa kata'uan wo méikalulu, pahpaan ni sia kangkasii én tou uman si lakez an zéi'kan enté'.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 2:22

Witu um pinantik lenas é méipantik in téntii: Ni Sia én zéi'kan nimahwangu-wangunla a singkéla' wo zéi'kan nimahnuwu-nuwu'la an towo.

1 Yohanes 3:5

Kata'uan niou, si Kristus i nimapailek un tou-Na i mézuméi' péléng a singkéla', wo im wia ni Sia én zéi'kan siapa a singkéla'.