Ibrani 4:14 - Taaz Weru Witu u Nunuwu'en Tombulu

¹⁴ Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

Ibrani 4:14 Iomraidhean Croise

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Markus 1:1

Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 24:51

Karegas Sia i mahwéhé ung kamang wia ni séra, Sia matampasana karia néra a mawénéta mangé witi kasendukan.

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 3:21

Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

Roma 8:34

Si Kristus Yesus si nimaté wo méitou sumaup im wia sé nimaté an irumez witu ung kakan ni Opo Empung, si Kristus itiimo si masumawang ni kita i mamengaléi wia si Opo Empung.

2 Korintus 12:2

Kata'uangku wéwéhan si tou ma'éman wia si Kristus, mapulu' wo epatna ta'un limangkoila, si tou itii kumompo'mé ém winénétoma witi kasendukan katelu. In toro niitu, zéi'kan kata'uangku sia im winénéta ém winénéta karia un touna kaapa akaz uman si rohna si winénéta. Si Opo Empung uman si mata'u niitu.

2 Korintus 9:13

I sé katuarita nimakailekla an zoit sasawang itii, ni séra é mahlooz wo mahsigi' si Opo Empung, un tumuzu'mé i ni kamu én uli-ulit kimiit wo ma'éman u Nuwu' Lé'os tumoro si Kristus. Ni séra é mahlooz wo mahsigi' si Opo Empung pahpaan i niilek nérala ni kamu é meripu' umané i mahwéhé a sasawang wia ni séra wo wia péléng sé tou.

Efesus 4:10

Si Kristus si timumpamoma, ni Sia kangkasii si nimawénétoma witi tampa totoz rakék, rumakékpé'mé péléng am witi langit wo Sia merénta péléng am wia ung kaayahan.

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Ibrani 10:12

Taan si Kristus makasa uman nimayo un tou-Na i maéndo raragés makaz ing kauré-uré, in zuméi' a singkéla' né tou, a Sia marumumez witu ung kakan ni Opo Empung.

Ibrani 10:23

Méyémo kita enté' i mahéré' wo zéi'kan mahzua-zua genang witu um pa'émanenta wia si Yesus, pahpaan si Opo Empung én zéi'kan maliuz i mangun a méitaaz-Na.

Ibrani 10:29

Tantumo lumouspé'mé ung kawutezna un ukuman wia si tou mahséro' wia si Oki' ni Opo Empung wo mahgenangla un zaha' ni Yesus Kristus u lumenas sé tou én zéi'kan siapa torona wo mahséro' wia si Roh si mahtambéré ang kamang.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

Ibrani 6:6

taan maapuma niitu, ni séra soomo ma'éman, zéi'kan mamuali im werun sumaup in tumula'u a singkéla'. Ni séra én tanu simalip sumaup si Oki' ni Opo Empung wo mahséro' wia ni Sia witu u sinaru né tou lakez.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

Ibrani 8:1

Un totoz ipahpuu-puuna witu um pahkuaku kenu, ni kita ém wéwéhano si Walian Wangko' téntu, si rimumezo witu ung kakan u rurumezan ni Opo Empung si Kolano Totoz Wangko' witi kasendukan.

Ibrani 9:12

Ni Sia é nimuntepo witi Tampa Totoz Lenas, makasa uman makaz ing kauré-uré. Ni Sia i nimuntep witu én zéi'kan nimahalima un zaha' ni kambing tuama wo un zaha' ni sapi oki', taan ni Sia nimuntep witu nimahalima un zaha'-Na in esa. Karia in téntu, méipilot-Na kita im witu un ukuman wana a singkéla'ta makaz ing kauré-uré.

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.